‘Hala ere’ lan berria aurkeztuko du Willis Drummond taldeak Durangoko Azokan.

Durangoko Azokaren baitako Ahotsenea guneak, 47 talde hasiberri zein ibilbide luzeko banden kontzertuak tartekatuko ditu abenduaren 7tik 11ra bitartean. Gune horrek 15. urteurrena beteko du, eta musika estiloen aniztasuna izango da edizio honetako ezaugarri nagusia.

Ahotseneako oholtzan azalduko diren taldeek euren azken lana aurkeztuko dituzte, goizeko 11:00etatik 22:00etara bitartean, etenaldirik gabe. “Azken urteetan bezalaxe, zuzenekoak Plateruenan antolatuko dira, eta kulturzaleek Euskal Herrian sortutako azken musika-nobedadeak ezagutu ahalko dituzte”, gogoratu dute Gerediaga elkarteko antolatzaileek.

Egitarauan tartekatuko diren Goxua N’Salsa, Neomak, Agur, Janus Lester, Keia, Irtera edota Mirua talde hasiberriek, eszenatokia partekatuko dute Delirium Tremens, Willis Drummond edota Kokein bezalako ibilbide luzeko bandekin.

Ohikoa  denez, rock eta pop doinuak izango dira nagusi eta horren adibide dira Maraca Diablo, Zakill, Sua, Piztiak, Hibai, Kurkuma, Saia Goait, Ezpalak, Pasadena, Assata, Asla, Kyxo, Rukula, Rodeo, Dukkha, Fufu, Mice, Txost!, Orbel, Burutik, Kristonak edota Mairu taldeak.

Pop elektronikoa

Pop elektronikoa ere presente egongo da Merina Gris eta Lumi taldeekin; Bengok eta Odeik hip-hopa gerturatuko dute; ska-reggaea doinuak lantzen dituzten Bolbora eta Sutan taldeek erritmo dantzagarriak eskainiko dituzte; Mugan taldeak folk doinuak eskainiko ditu; eta Arima Soul bandak jazz eta soul piezak joko ditu.

Ahotseneak, lekua egongon die Olaia Inziarte, Ilargi, Peru Galbete, Esti Markez eta Watson bakarlariei. Ines Osinaga musikariak ere bere proiektu berria aurkeztuko du eta Bilaka kolektiboak dantza eta musika uztartuko ditu emanaldi oso bereziarekin.

Kontzertuetako sarrera doakoa izango da aforoa bete arte, eta ez da beharrezkoa izango izena ematea aldez aurretik. Gainera, bertaratu ezin dutenek, aukera izango dute agerraldi guztiak streaming bidez jarraitzeko www.durangokoazoka.eus webgunean.

La entrada 47 taldek joko dute Durangoko Azokako Ahotsenea gunean se publicó primero en durangon.com.

Elorrioko Musikaire jaialdiko ekitaldiak Aldatsekuako lorategian eskainiko dira asteburu honetatik aurrera eta gaur eta bihar izango diren agerraldietan eskualdeko bertsolariak eta Rodeo taldearen kontzertua izango dira hurrenez hurren.

Miren Amuriza berriztarrak, Iruri Altzerreka garaitarrak, Txaber Altube abadiñarrak eta Gorka Pagonabarraga durangarrak gaur, iluntzeko 20.00etan hasita eskainiko duten bertso saioko gai-jartzailea Amaia Ugalde izango da.

Elorrioko ekitaldia irailean hasiko den 2020ko Bizkaiko Bertsolari Txapelketa prestatzeko balioko die lau bertsolariei. Izan ere, Altzerreka eta Pagonabarraga ‘Udabarria bertsotan’ deituriko sailkatze saioan hasiko dira lehiatzen. Altubek kanporaketa fasean hasiko du txapeleketa eta Amurizak finalaurrekoan.

Rodeo talde gipuzkoarrak zapatuan eskainiko duen agerraldia ere 20:00etan hasiko da. Zestoan sortutako laukoteak Mikel Illarramendi (gitarra eta ahotsa), Ortzi Alberdi (gitarra), Beñat Subinas (baxua) eta Oroitz Urbieta (bateria) batzen ditu eta ‘stoner rock’ doinuak lehenesten dituzte.

Kyuss taldearen influentziaz bustirik, 2014an hasi zen laukotearen ibilbidea eta maketa bat grabatu ondoren, 2017ko martxoan argitaratu zuten taldearen izenburua duen lehen disko luzea. 2018ko abenduan ‘Dilmun’ izeneko bigarren disko luzea argitaratu zuten eta aurten ‘Ezherrian’ EPa kaleratu dute.

La entrada Amuriza, Altzerreka, Altube eta Pagonabarraga bertsolari gazteen saioa gaur Musikaire jaialdian se publicó primero en durangon.com.