Eneko Sagardoy.

Azken urteetako garapenari eutsiko dio Durangoko Azokaren 57. edizioak. Hasierako urteetan apaletan jartzen ziren liburuak eta diskoak lekua egin diete bestelako materialei ere, eta lehen edizioetako egitarau xumeen ordez gero eta anitzagoa den programazioa eskaintzen du.

Kulturaren Plazak ohiko formatua berreskuratu du, eta Ikasle Goizarekin abiatu zen eguaztenean. Domekara bitartean, Landako Gunea eta Durangon zehar izango diren gainontzeko guneak, gustu guztiak betetzeko eskaintzan izango dute: ikus-entzunezkoak, musika, antzerkia,… Eskualdeko sortzaileek erakusleiho ederra izango dute azken ekoizpenak erakusteko.

San Agustin kultur gunean kokatuko den Szenatokian, eskualdean sortutako edo eskualdeko partaideak dituen ekoizpenen erakustokia izango da. Besteak beste, ‘Lasterketa bat egin txaloka ero moduan’ komedia, ‘Elurzuriren hiru heriotzak’ edo ‘Flamenkito’ ikuskizunak antzeztuko dira, lehena zapatuan eta beste biak domekan.

Lehenengoan, Libe Mendizabal eta Amaia Salazar antzezleek, hutsune erraldoi eta estres postraumatiko batek jota, larrialdietara doan emakume baten istorioa kontatzen dute.

Maider López eta Ander Berrojalbiz musikariek eta Inlavis Etxebarria dantzariak osatzen duten Khontaira taldeak berriz, Elurzuriren sagarrari berriro kosk egitera gonbidatzen du ikuslea, mito zaharrak, sineskeria ilunak eta zorigaitz tragikoak berpiztuz.

Txefo Rodríguezek eta Anduriña Zurutuzak antzezten dute Gorka Gansok Badut Teatrorentzat zuzendutako ‘Flamenkito’ laneko protagonistak. Protagonistak gitarrista eta dantzaria bilakatuko dira, baina beraien handitasun-nahiak bertan behera geldituko dira.

Pole-dance

Szenatokian izango da ere Garazi Abraldes Azkorbebeita dantzaria ‘Hau ere banaiz’ lanarekin. Azokaren azken egunean eskainiko dituen emanaldietan pole-dancerako duen trebetasuna erakutsiko du musikaren laguntzarekin.

Txistuaren doinuak entzungai izango dira zapatuan Jesuitak Ikastetxeko Arrupe aretoan Silboberri Txistu Elkarteak eskainiko duen kontzertuarekin. ‘Txistua XXI. mendean’ programan, Mercedes Zavala madrildar konpositoreak sortutako lanaren estreinaldia eta bestelako piezak tartekatuko dira.

Zugaza zineman eskainiko dira eskualdeko sortzaileen partaidetza izan duten lanak. Markel Onaindiak, Kristina Mardaras eta Justo Alberdirekin batera Iurretako Goiuria ikastolari buruz egindako dokumentala pantailaratuko da domekan.

Bezperan, Paul Urkijok zuzendu eta Eneko Sagardoyren partaidetza duen ‘Irati’ pelikula emango da. Filma VIII. mendean dago kokatuta, eta kristautasunak Europan izan zuen hedapenaz eta sinesmen paganoen desagerpenaz dihardu.

Lara Izagirreren ‘Pelikula baten bila’ ekimenaren aurkezpena ere zapatuan egingo da. Gariza Filmsen egitasmoaren prozesuari buruzko irudi batzuk erakutsiko dira eta ikus-entzuleen feedback-a jaso nahi da proiektua garatzen jarraitzeko.

La entrada Eskualdean egindako antzerkia, dantza edo ikus-entzunezkoak gero eta ohikoagoak dira Azokan se publicó primero en durangon.com.

Arte eszenikoen arloko pieza laburreko proiektu proposamen bat sarituko du 2022ko Sormen Beka DA! ekimenak. Irabazten duen norbanako edo taldeak 15.000 euroko dirulaguntza jasoko du.

Gerediaga Elkarteak eta Durangoko Udalak bosgarren urtez abian jarri duten deialdiak, antzerki, zirko, dantza, performance, magia edo bestelako diziplinarekin lotutako lana aukeratuko du. Ekimenak, beste kultur disziplina batekin uztartutako proiektuak ere  aintzat hartuko ditu.

Sormen Beka DA! deialdiaren helburua “euskarazko sorkuntza sustatzea eta sortzaile berriei bidea erraztuz euren lana ezagutzera ematea da”, antolatzaileen esanetan. Horregatik, aurkezten diren proposamenak, “zirkuitu profesionalean bere lehen edo bigarren lana” izan behar dira.

Epaimahaiak kontuan izango du proiektuaren kalitatea, gaitasun berritzailea eta originaltasuna, proiektuaren hedatze ahalmena eta aurrez aurreko proiektuaren defentsa. Beka eskuratzen duenak, antolatzaileen laguntza izango du sorkuntza prozesua lantzeko eta plazaratzerako.

Proposamenak aurkezten dituztenak 18 urtetik gora izan behar dituzte, eta datorren irailaren 21a arte aurkeztu daitezke gerediaga@durangokoazoka.eus posta elektronikora bidalita.

Aurreko lau edizioetako irabazleak, literaturaren arloko ‘ATOPIArpg’ euskarazko rol jokoa (2018); musika arloko ‘Kai Nakai’, Iratxe Agileraren lehenengo lana (2019), ikus-entzuneko ‘Bañolet’, lau ataletako telesaila (2020); eta bideo-jokoen arloko ‘Barraka’, 2021ean saritua 57. Durangoko Azokan estreinatuko da.

La entrada 2022ko Sormen Bekak arte eszenikoen arloko pieza labur baten proiektu bat sarituko du se publicó primero en durangon.com.

Berbaro Elkarteak antolatutako ‘Labur esanda’ filma laburren lehiaketa gaur eta bihar jokatuko da. Aldez aurreko izen ematean “zortzi taldek baieztatu dute partaidetza, baina epea irekita dago lehiaketa hasi arte”, Markel Sanchez Berbaro Elkarteko zuzendariaren arabera.

Parte hartzaileek arratsaldeko 16:00ean jasoko dute Plateruena Kafe Antzokian pelikuletan landu behar duten gaia zein tartekatu behar dituzten objektua eta esaldia.

Hortik aurrera 24 ordu izango dituzte beraien ikus-entzunezkoak burutzeko eta egindako filmak bihar arratsaldeko 16:00ak aurretik entregatu behar dira.

Filma guztien emanaldia eta sari banaketa bihar, gaueko 22:00etan, egingo da eta beran egoteko sarrerak arratsaldeko 18:00etatik 20:00etara banatuko dira Plateruenako leihatilan.

“Sarrerak, gehienez, launaka banatuko ditugu, eta ekitaldian guztira 100 lagun inguru sartu ahal izango dira”, Sanchezen esanetan.

La entrada Gutxienez zortzi talde izango dira Berbarok antolatutako ‘Labur esanda’ filma laburren lehiaketan se publicó primero en durangon.com.

Zugaza zine aretoan aukeztu dute III. Sormen Beka DA.

Gerediaga Elkarteak eta Durangoko Udalak Sormen Beka DAren hirugarren edizioa aurkeztu dute eta aurten ikus-entzunezko egitasmo batek eskuratuko du 15.000 euroko diru-laguntza.

Ekimenaren helburua “euskarazko sorkuntza sustatzea eta sortzaile berriei bidea erraztuz euren lana ezagutzera ematea da”, antolatzaileen esanetan. Izan ere, deialdira aurkezten diren sortzaileek ez dute eduki behar zirkuitu komertzialetan lanik aurretik zabalduta izan behar edota ikus-entzunezko jaialdiren baten bere lanen bat sarituta izan.

Aurkeztutako proposamenak baloratzerakoan proiektuaren kalitatea, gaitasun berritzailea eta originaltasuna, proiektuaren hedatze ahalmena eta aurrez aurreko proiektuaren defentsa baloratuko dira.

Proposamenak gerediaga@durangokoazoka.eus helbide elektronikora bidali behar dira eta aurkezteko epea 2020 irailaren 21ean amaitzen da. Lan irabazlearen berri 55. Durangoko Azokan emango da eta hautatutakoak urtebeteko epea izango du proposamena burutzeko. Emaitza 2021eko Durangoko Azokan erakutsiko da.

Informazioa guztia www.duragokoazoka.eus webgunean eskuragai dago.

La entrada Ikus-entzunezko egitasmo bat laguntzeko Sormen Beka DA deitu dute Durangoko Azokak eta Udalak se publicó primero en durangon.com.