Durangoko 20 establezimendu baino gehiagok ‘Euskaraz barra-barra’ bereizgarria jarri dute euren lokaletan, herritarrei euskaraz hitz egiteko aukera bermatuz. Izan ere, ikur horrek adierazten du negozio horretako langile guztiek edo gehienek euskara ulertu eta hitz egiten dutela.

Durangoko Udalak kanpainarekin bat egiteko gonbitea egin die oraindik bereizgarririk jarri ez duten denda, taberna eta gainerako establezimenduei, helburua “pixkanaka herriko establezimendu gehienak ekimen honetan sartzea” delako. Gainera, “herri osoan euskara erabiltzeko gonbidapen aktiboa” egin die herritarrei.

Kanpainan parte hartzeko, Udaleko Euskara Zerbitzuarekin harremanetan jarri behar da online formularioaren bidez bidez edo 630 47 43 32 telefonora deituz.

‘Euskaraz barra-barra’ egitasmoa Eusko Jaurlaritzak, Nafarroako Gobernuak eta Euskararen Erakunde Publikoak elkarlanean abiatu dute, eta marka bateratu eta unibertsal hori Euskal Herriko txoko guztietara zabaltzea da asmoa.

La entrada Durangoko 20 establezimendu baino gehiagok euskaraz hitz egiteko gonbitea egiten dute se publicó primero en durangon.com.

Herriko establezimenduetan euskararen erabilera sustatzeko eta ‘Euskaraz barra-barra’ ikurrari ikusgarritasuna emateko, ‘17. logela’ izeneko ihes gela egingo da bihar eta etzi Zornotzako Zelaieta parkean. Parte hartze doan izango da.

Ihes-gelak intrigazko istorio bat aurkeztuko die parte hartzaileei, eta ‘17. logela’ko lehiakideek 40 minutu izango dituzte proposatzen zaien arazoa ebazteko. Planteamendua honakoa da: Thotel izeneko luxuzko hotel kateak ehun urte daramatza euskal herritar ezagunenen loa zaintzen mundu osoan zehar. Urteurren borobil horretan, ibiltari bilakatu da, herritar guztiei bere izaretan lo egiteko pribilegioa eskaintzeko.

Guztira 12 txanda egongo dira bi egunetan, eta izena ematerakoan zehaztu egin beharko da zein txandatan parte hartu nahi den. Txanda bakoitzean gehienez bost pertsonako taldetan parte hartu ahalko da.

Biharko saioak, 17:00etatik 21:00etara izango dira, eta etzi 10:00etatik 14:00etara eta 17:00etatik 21:00etara. Ihes gelan doan parte hartu ahal izango da, baina derrigorrezkoa da aurrez izena ematea https://euskarazbarrabarra.eus/ihes-gela/ helbidean eta zein txandatan parte hartu nahi den zehaztea.

‘Euskaraz barra-barra’ Eusko Jaurlaritzak, Nafarroako Gobernuak eta Euskararen Erakunde Publikoak babestutako ekimena da. Euskal Herriko ahalik eta establezimendu gehienetan euskara erabiltzeko aukera bermatzea da marka honen erronka nagusia.

Ekimenaren helburuak, euskararen erabilera sustatzea, merkataritzaren sektorean eraginez; herritarren hizkuntza-eskubideak errespetatzea eta bermatzea; euskal hiztunen nahasmen eta estres linguistikoa murriztea; eta euskararen biziberritzearen inguruan, kontzientziazioa eta konpromisoak sustatzea.

La entrada ‘17. logela’ ihes gela bihar eta etzi egingo da Zornotzan, ‘Euskaraz barra-barra’ kanpaina sustatzeko se publicó primero en durangon.com.

Amorebieta-Etxanoko 20 establezimenduk dagoeneko jarri dute ‘Euskaraz barra-barra’ ikurra. Irudi horrek, “establezimendu horietan langile guztiek edo ia guztiek euskaraz ulertzen dutela, eta, bezeroek bertan euskaraz  egiteko aukera dutela” adierazten du, Udalaren Euskara Zerbitzutik azaldu dutenez.

Herriko saltoki, taberna eta gainontzeko establezimenduek kanpainarekin bat egin eta ‘Euskaraz barra-barra’ ikurra jartzeko aukera dute. Izan ere, Udalaren helburua da pixkanaka herriko establezimendu gehiagok bat egitea egitasmoarekin, eta herritarrei euskaraz egiteko gonbidapen aktiboa egitea.

Kanpainarekin bat egiteko, Udaleko Euskara Zerbitzuarekin jarri  beharko dira harremanetan: euskara@amorebieta.eus e-mailera idatziz edo 94 630 00 02 (120-121 luzapenak) telefonora deituta.

‘Euskaraz barra-barra’ egitasmoa Eusko Jaurlaritzak, Nafarroako Gobernuak eta Euskararen Erakunde Publikoak elkarlanean abiatu dute, eta marka bateratu eta unibertsal hori Euskal Herriko txoko guztietara zabaltzea da asmoa.

Amorebieta-Etxanoko Udalak herritarrak animatu nahi ditu ikur hori ikusten duten bakoitzean zerbitzua euskaraz eska dezaten.

Hauek dira Amorebieta-Etxanon ‘Euskaraz barra-barra’ ikurra duten establezimenduak:

– Akiles osteopatia
– Atertu kopiak
– Bertoko ogia
– Borja Garamendi arkitektura estudioa
– Clinica Dental Sergio Alonso
–  Furundarena pelukerak
– Ganbera dekorazioa
– Gutierrez Botika
– HikHazi akademia
– Ibarra pentsuak
– Ikusmen optika
– M. Magunacelaya Hortz Klinika
– Mule zapatadenda
– Natur House
– Oreka fisioterapia
–  Siurne ileapaindegia
–  Soinutxikie
–  Vulcanizados Iñaki
–  Zelaieta Hortz Klinika
–  Zornotza Burdindegia

La entrada Zornotzako establezimenduetan kanpaina bat hasi dute bezeroek euskaraz eska dezaten se publicó primero en durangon.com.