Luiziaren ondoren, Joaquín Beltrán eta Alberto Sololuze hondakindegiko langileak desagertu ziren eta lehenengoaren gorpua bilatzeko lanak “iazko maiatzaren 14an Eusko Jaurlaritzak bertan behera utzi zituen”, salatu dute talde horrek bidalitako komunikatu baten.

Gertatutakoaren ondorioz, “bi langile erailda, baten gorpua zaborpean utzia, milaka herritar kaltetuta, lurrak, airea eta urak kutsatuta” daudela azpimarratzeaz gain,  “ez dugu ahazten eta ez dugu ahaztuko”, adierazi dute.

Zabortegia kolapsatu ondoren “ehunka lagun” jardun ziren “borrokan gertatutakoa eta ardurak argitzeko” eta gertatutako guztia gogorarazteko asmoarekin “Eitzaga Brigadak gauzak bere lekuan jarri nahi ditu, eta bat gutxienez jarri du”.

La entrada ‘Eitzaga Brigadak’ eskultura bat jarri du auzo horretako zabortegian gertatutako tragedia gogoratzeko se publicó primero en durangon.com.

Zornotzako Andra Mari Ikastolako Haur Hezkuntzako umeek Loraldia Eskolaren ekimenean sortutako artelanak jarriko dituzte ikusgai Zelaieta Zentroko erakusteta aretoan urtarrilaren 30era arte.

Ttipia deituriko proiektua gauzatzeko Eider Euba ilustratzailea, Ainhoa Ortells margolaria, Elena Mendizabal eskultorea eta Eriz Moreno argazkilariaren adierazpen artistikoan oinarritu dira umeak. Ekimena burutzeko esperimentazioa, jolasa eta sormena uztartu dituzte eta “artelan ikusgarriz osatutako erakusketa bat osatu dugu” egitasmoaz arduratu diren Loraldia Elkarteko kideen esanetan.

Egitasmo honen bidez, ekimenean parte hartu duten haurrek, “sentipenak adierazteko kulturak betetzen duen paperaz ohartu dira, baita erakargarritasun kulturalaren indarraz jabetu ere”. Gainera, erakusketara gerturatzen direnei umeek egindako bideari eusteko eskaria egiten zaie “kultura gure bizitzen erdigunean jarri eta bizi” dezaten.

Loraldia Elkarteak bultzatutako Loraldia Eskola eta Ttipia Proiektua, kultura bizitzaren erdiguneak kokatzeaz gain, beharrezkoa den transmisioa du helburu nagusietako bat. Izan ere, erakunde horrek udaberrian Bilbon egiten den festibalaren antolaketaz arduratzen da.

La entrada Andra Mari ikastolako haurrak lau sortzaileen obretan oinarritu dira euren artelanak egiteko se publicó primero en durangon.com.

Zigor Merodioren ‘All the power to the people’ (2014) eskultura.

Eskulturak, bertsoak eta argazkigintza biltzen dituen ‘Zorroztarri erakusketa’ egongo da ikusgai bihartik aurrera Iurretako Ibarretxe Kultur Etxean. Ekimen honetan, preso dauden Alaitz Areitio iurretarraren, Zigor Merodioren eta Yon Troitiñoren lanak zein Edu Martínezen irudiak biltzen dira.

Areitio, Merodio eta Troitiño Estatu frantziarreko hiru espetxetan preso egon arren, “gure pentsamendu, konbikzio eta bihotzak eskultura bakoitzaren hegietan, bertsoen hitzetan eta paisaia eta leku hauetan aurkituko dituzu”, sortzaileen arabera.

Merodio bilbotarra 2006an hasi zen buztinezko eskulturak egiten eta ondoren harrikoak egiten hasi zen. 2014an egin zuen bere lehen erakusketa. Merodioren lanei bertsoak jarri zizkioten Areitio iurretarrak eta Troitiño donostiarrak.

Hirukotearen sorkuntzei Edu Martinez argazkilari bilbotarraren lana gehitzen zaio, eskultura bakoitzak oroitarazten diena eszena hautatu eta irudiak hartu ditu eta bertsoei euskarria eskaini die.

Erakusketa bihar hasi eta barikura arte egongo da ikusgai. Bihar, arratsaldeko 16:00etatik 20:00etara ikusi ahal izango da; 25etik 27ra goizeko 10:00etatik 13:00etara eta arratsaldeko 16:00etatik 20:00etara egongo da irekita, eta 28an, goizeko 10:00etatik 12:00etara.

La entrada Alaitz Areitio iurretarraren bertsoak tartekatzen dituen ‘Zorroztarri erakusketa’ jarriko dute Ibarretxen se publicó primero en durangon.com.