Abadiñon etxebizitza alokatzeko udal-laguntzak jaso ditzaketen pertsonen profila eta benetako egoera jakin nahi du Udalak, “kolektibo horren ahalik eta irudi errealena” lortzeko helburuarekin. Batez ere, 18 eta 35 urte bitarteko gazteen premiak ezagutu nahi dituzte.

Horretarako, galdetegi sinplea prestatu da Udalaren webgunean eta, lortutako emaitzen arabera, indarrean dagoen udal ordenantza egokituko da, hala badagokio. Galdetegia anonimoa da eta azaro osoa egongo da aktibo.

Hamar galdera

Inkestak hamar galdera ditu eta galdetegiaren bidez bizikidetza-unitatea, udalerrian erroldatuta egondako denbora, familiaren diru-sarrerak, alokairuaren kostua, alokairu-kontratu mota edo alokatutako etxebizitzaren tipologia, bezalako datuak jakin nahi dituzte.

“Etxebizitza eskuratzea gazteen emantzipazio-prozesuaren oztopo garrantzitsuenetakoa da”, Udal ordezkarien esanetan. Horrela, udalerrian alokairuan bizi diren 18 eta 35 urte bitarteko pertsonengan zentratu da –aurretik laguntza jaso ala ez–, errealitatea udal ordenantzak ezartzen dituen baldintzekin bat datorren ala ez ikusteko.

“Laguntzak ahalik eta pertsona gehienengana iristea gura dugu, eta, horretarako, haien egoera ezagutu behar dugu, agian baldintzak zaharkituta geratu direlako. Lortutako datuekin ordenantza publikoa egokitu ahal izango dugu”, azaldu du Iñaki Rekalde Ogasun, Enplegu eta Ekonomia Sustapen zinegotziak.

La entrada Abadiñoko Udalak inkesta bidez ezagutu nahi du etxebizitza alokatzen duten herritarren profila se publicó primero en durangon.com.

Mañariko Udalak etxebizitzen alokairua ordaintzen laguntzeko dirulaguntzak emango ditu aurten. Dagoeneko eskariak egiteko epea ireki du eta interesa duenak maiatzaren 12ra arte izango du aukera behar den dokumentazioa aurkezteko.

Egitasmo honekin, “Mañariko udalerrian ohiko egoitza izateko alokairu erregimenean bizitza bat duten pertsonei alokairuaren zati bat ordaintzen laguntzea” nahi du Udalak.

Onuradunak bakarka edo beste batzuekin bizi diren herritarrak izango dira eta “diru-laguntzen onuradun diren bizikidetza-unitateko pertsona guztiek diru laguntza jasoko duen etxebizitzan erroldatuta egon beharko dute”.

Diru-laguntza pertsona bakarrarentzat eskatzen bada, “berak bakarrik egon beharko du Mañarian erroldatuta gutxienez urtebeteko antzinatasunarekin etenik gabe” eta diru-laguntza bizikidetza-unitate osoarentzat eskatzen bada, “gutxienez bizikidetza unitateko kide batek egon beharko du Mañarian erroldatuta gutxienez urtebeteko antzinatasunarekin etenik gabe”.

Onartutako araudiaren arabera “alokairu-gastuei dagokionez gehienezko kopuru hau ezin izango da gainditu: hilean 600 eurokoa”, araudian zehazten denez. Hala ere, garaje edo komunitate eta administrazioko gastuak “lagundu daitekeen kontzeptutik kanpo geldituko dira” eta “alokairuko hileko kuotatik 30 euroko balio finko bat kenduko da”.

Laguntza jasotzeko eskaera orria eta aurkeztu beharreko dokumentazioari buruzko informazioa, udaletxean edo www.mañaria.eus web orrialdean daude eskuragai.

La entrada Mañariko Udalak etxebizitzak alokatzeko laguntzak emango ditu se publicó primero en durangon.com.

Hainbat gazte bildu zen Zabalduko Ditugu dinamikaren planteamenduen aurkezpenean.

Zabalduko Ditugu gazteen etxebizitza eskubidearen aldeko dinamikak, Durangoko Udalak etxebizitza hutsak betetzeko alokairu programaren hutsegitea salatu du, “ez dutelako etxebizitzak alokatzea lortzen”. Egoera horri aurre egiteko, alokatzeko baldintzak malgutzea eskatuko diote Udalari.

Etxebizitza eskubidearen aldeko ekimenak aurreko astean aurkeztu zuen ikasturte honetarako prestatutako planteamendua, Andra Mariko elizpean egindako asanbladan. Bertan “1576 etxebizitza hutsik daudela” salatzeaz gain, aurten “etxe horietatik apurka apurka batzuk zabaltzea” dute helburu.

Bilera horretan, Udalak etxebizitzaren inguruko gaia konpontzeko programa bat abiarazi zuela gogoratu zuten, baina egitasmo horrek ez duenez oinarriko helburua bete, gazteek proposamen bat egingo diote.

Kontuan izanda “alokatzeko baldintzak gogorregiak” direla eta horrek programan sartzera oztopatzen duela, “Udalaren programa gazteen baldintzetara egokitu behar dela” diote Zabalduko Ditugu ekimeneko kideak. Horregatik “baldintza duinetan oinarritua egongo den alokairu soziala proposatzen dute”.

Egindako proposamena aurrera eramateko derrigorrezkoa denez etxebizitzak izatea, hainbat etxe zabaltzea proposatzen dute. Alde batetik, “bankuen etxebizitza hutsak udalak gestionatzea” eskatzen dute, banketxeekin akordioetara iritsi eta gero. Bestalde “udalak izan ditzakeen etxe hutsak ere, alokairu sozialerako programa horretan txertatzea” nahi dute.

La entrada Zabalduko Ditugu-k etxebizitza hutsak alokatzeko baldintzak malgutzea eskatuko dio Udalari se publicó primero en durangon.com.