Banner en desktop Banner en moviles
Berrizko Udala
Amorebieta-Etxanoko Udala
Durangoko Udala
Maristak Durango

‘Señeak Bizkaia Rock Kanpusa’ jaio da talentu musikala bultzatzeko

Gazte musikarien talentua bultzatzeko helburuarekin jaio da ‘Señeak Bizkaia Rock Kanpusa’. Bizkaiko Foru Aldundiak Gatibu taldeko kideak diren Alex Sardui eta Ekain  Alzolarekin bat egin du musika ikasle gazteei esperientzia paregabea eskaintzeko Pasku Astean. 

Musika funtsezko tresna pedagogikoa da, pentsamendu kritikoa, sormena eta talde-lana sustatzen dituena.  Nerabeei zuzuendutako egonaldi hau, ez bakarrik ikasleek beren musika-trebetasunak hobetzeko, baita  bizitzako beste alderdi batzuetan baliagarriak izango diren gaitasun pertsonalak eta sozialak garatzeko ere.

“Musikaren bidez gazteen garapen integrala sustatzea da gure helburua. Tresnak ematea, sormena,  talentua, trebetasun sozialak, talde-lana eta pentsamendu kritikoa sustatzeko. Euskara komunikazio hizkuntza gisa erabiliz hizkuntza-identitatearen alde egitea, eta bide batez, elkarbizitzan ikasteko bidea  eskaintzea, giro dinamiko eta aberasgarri baten” azaldu du Ahaldun Nagusiak.

“Musika munduan bizi garenok egunero ikusten dugu gazteen artean harrobia dagoela, baina ibilbide  formaletatik kanpo profesionalki hazteko eta ikasteko aukera gutxi daude. Horregatik, Señeak bezalako bide  berriak egitea ezinbestekoa dela uste dugu. Gazteei euren talentuaz gozatzea eta esperientziadun artisten  eskutik ikastearen aukera paregabea eskaintzea” azaldu du euskal abeslaria Alex Sarduik.

Bestalde, Aitor Pagaldai Lauaxeta ikastolako zuzendariak gaineratu duenez “Lauaxeta ikastolarenzat Señeak  Bizkaia Rock kanpuseko parte izatea guztiz bat dator ikastolaren hezkuntza helburuekin. Bizkaiko  nerabeentzako kultura, musika, kalitatezko aisia eta taldea lana uztartzen dituen kanpusa ekimen bikaina  dela uste dugu eta gazteek behar dituzten kalitatezko aisi aukerekin bat datorrena.”

Señeak Bizkaia Rock Kanpusa Lauaxeta ikastolan izango da apirilaren 21etik 26ra, Pazko Astean. Hautatuak  izan direnek klase pertsonalizatuak jasoko dituzte lehen mailako euskal artisten eskutik, eta beren  ikaskideekin musika estiloak praktikatzeko eta fusionatzeko aukera ere izango dute.

Online izen-emateak  

Deialdia musika ikasketak edo musikarako trebetasuna duen edozein gazte bizkaitarrari zabalik dago, eta  izena emateak www.seneak.eus webgunearen bidez egin ahal dira gaurtik martxoaren 25era arte. Minutu  gutxiko bideo bi bidali beharko dituzte gazteek euren burua aurkeztuz eta talentua erakutsiz. Ondoren,  artista ezagunez osatutako epai-mahaiak 20 gazte aukeratuko ditu.

Esperientzia erakargarria nerabeentzat  

Bost gau eta sei eguneko egonaldia izango da, Zornotzako Lauaxeta ikastolan egingo dena. Aste horretan  zehar euskal artista ezagunekin ikasiko dute gazteak, erreferenteen zuzeneko prestakuntza jasoko dute.

Ordutegia 9:00etatik 18:00etara izango da; goizez klase instrumentalak eta teorikoekin, eta arratsaldez  talde-entseguak, jolas-jarduerak eta arte-sorkuntzako tailerrekin.

Egonaldia zati bitan banatuta egongo da; eguneko lehen partean ikasteari ekingo diote (teoria musikala,  praktika instrumentala, sorkuntza artistikoa…) eta arratsaldetik aurrera aisialdiko ekintzak egingo dituzte  (irteerak, kirol ekimenak, taldelaneko proiektuak).

Ikasturte amaierako kontzertua  

Ikaskuntza musikala euskal sortzaile eta musikari ezagunen eskutik jasoko dute, eta artisten bisitak ere  izango dituzte. Arratsaldeko aisialdi eskaintza, berriz, Lauaxeta ikastolako begiraleen eskutik izango da,  esperientzia handikoak zerbitzu hauek eskaintzen.

Kanpusaren azken egunean, larunbatean, partaideek doako kontzertua eskainiko dute Zornotza Aretoan.  Bertan, ikasitako guztia erakutsiko dute ikusleen aurrean. Esperientzia paregabea nerabeentzat, euren  irakasleekin eta erreferenteekin batera jotzeko aukera izatea.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados