Zebrabideak

Durangoko zebra bideetan txitean-pitean gertatzen dira istripuak. Neure kasuan, oinez nabilenean gero eta beldur handiago diet kotxeei zebrabideetan, bolantean noanean berriz, norbait joko dudan beldurrez ibiltzen naiz.

Zer da gertatzen dena/zaiguna? Zergatik suertatzen dira hainbeste istripu? Aldagai bat baino gehiago daude.

Batetik, gidari eta oinezkoon jarrera. Zebrabideak errespetatzen ez dituzten gidari banaka bat badago. Arrapaladan zebrabidean sartzen diren bizikletadunak ere suertatzen dira. Bide ertzean txortxorrean egon ondoren, begiratu barik, zebrabidean sartzen diren oinezkoak ere badaude. Zebrabidea paseo lekutzat hartzen duten gizandre gogaikarriak ere ikusten dira.

Bestetik, zebrabideen argiztapena eta kokapena aipatuko nituzke. Zebrabide batzuk ilunetan daude. Argiztapen eskasa dute. Gauez ez dira ia ikusten. Zenbait zebrabideren ondoan furgoneta handiren bat suertatuz gero, ez dira oinezkoak ikusten. Eskonbro ontziek ere eragozten dute oinezkoak ikustea zenbait kasutan.

Zein ete da irtenbidea? Besteak beste, hauek aipatuko nituzke:

• Arretaz ibiltzea eta araudia errespetatzea, bai gidarien aldetik, bai oinezkoen aldetik ere.

• Bizikletadunek ere zebrabideak errespetatzea. Finlandian eta Australian ez bezala, gurean ez dago baimenduta zebrabidea bizikletaz zeharkatzea.

• Zebrabideak heurak edota zebrabideetan oinezkoak ikustea eragozten duten kasuetan, neurriak hartzea behar bezalako argiztapena jartzeko eta oztopoak kentzeko.

Ereduak badaude, Cambrilsen adibidez “pasoa de cebra inteligentes” jarri dituzte

http://www.20minutos.es/videos/tecnologia/bctuxGMS-asi-funcionan-los-pasos-de-cebra-inteligentes/

Marisa Barrena psikopedagogoa da