Txizaren prezioa

Txiza egitea ordaindu egin beharko da Madrilgo Atocha tren geltokian datorren astelehenetik aurrera. Enpresa pribatu batek kudeatuko ditu komunak.

Enpresa pribatu bati, dirua ateratzeko, ematen zaizkion Españako geltoki bateko lehen komunak dira. Datorren astelehenetik aurrera txiza zarrastada 60 zentimo ordaindu beharko da Madrilgo Atocha geltoki famatuko komunetan.

Holandako 2theloo enpresa izango da dirua jasoko duena. Jakina, ordaindu behar hau, hots, tarifa hau beste geltokietara ere erraz heda daiteke, batez ere jende asko mugitzen den geltokietara.

Enpresak esan omen du komunak garbi egongo direla, etxekoak bezain garbi, eta beti be, lan hauetan aritutako pertsonala izango dela bertan. Ez dakigu Holandatik ekarriko dituzten langileak hala ez.

Hori bai, gune horretan denda bat egongo da eta erosketa eginez gero txiza zarrastadaren gastua deskontatu egingo da. Hau da, txollo bat izan daiteke. Txiza egitea dohainik beste tontakeriaren bat erosiz gero.

Kudeatzaileek uste dute egunean 3.000 pertsona sartuko direla komunetan eta horrek urtean milioi bat erabiltze ekarriko dituela. Kontuak eginez gero 600.000,-???ko diru sarrerak izango lituzke enpresak.

Aurrerantzean bidaian abiatu baino lehen onena txiza eginda irtetea izango da. Gurera ere helduko ote da zerga hori?

Agian, abiadura handiko tren geltokietan baino ez dute txiza egitea kobratuko eta goazen martxan ez dut uste nire belaunaldikook tren hori martxan ikusiko dugunik, beraz, baliteke hortik behintzat ordainketa horretatik libratzea.

Marisa Barrena psikopedagogoa da