Territorioak

Behinola, ???Euskara da gure
territorio libre bakarra??? idatzi zuen Sarri
idazle handiak eta, gure territorio edo lurralde
hori zaintzeko ahaleginak egitea dagokigula
pentsatzen dugu euskaltzale askok.

Aipatutako territorio hori ez eze,
emakumeok badugu zaindu beharreko beste
territorio bat ere, zoritxarrez askotan librea ez
dena. Horregatik aurten IV. Emakumeen
Mundu Martxan Kurdistanen hasi eta
Lisboaraino, besteak beste, GURE GORPUTZA,
GEURE TERRITORIOA, oihua entzungo da, herri
eta hiri askotan.

Durangon be ohiu hori ozen egin gura
dogu. Izan be gu ez gara salbuespena.
Tamalez gure inguruko zenbait gizon oraindik
ez dira enteratu, eta beste zenbaitzuk
normaltzat hartzen dituzte ukitu, irain zein
bortxaketak. Ez ditut gizon guztiak sakuto
berean sartuko, ez. Badaude ezetza zer den
ondo dakiten gizon eta mutilak ere. Eskerrak!

Halere, jaiak, jaidxek eta jaixek be hortxe
ditugu sarri askotan gizonkerien lekuko.
Haintzat herritan gertatzen dira egoera larri
eta desatseginak. Aurton gure eskualdean ez
da astakeria handirik jazo nik dakidala, baina
oraindik Iurretakoak ez dira amaitu eta laster
datoz Durangokoak.

Ura bere bidetik joan dadin protokolo eta
konzientziatze lanean dihardute teknikari,
elkarte zein zinegotzi zein txosna
antolatzaleek. Ez dadila alferrikoa izan. Denon
ahalegina beharko da, nik uste.

Halan zein holan, emakumeok, gazte zein
zahar, argi daukagu GURE GORPUTZAK,
GEURE TERRITORIO direla eta martxan
jarraituko dugu harik eta territorio horiek
libreak izan arte.

Marisa Barrena psikopedagogoa da