Friso
Friso
Friso
Friso

Pergolak

“Pergola pilastra edo zutabeen gainean bermatzen den sare edo zurezko hesi batez osatutako galeria da; askotan aihen eta landare igokariz edota bestelako landare apaingarriz edertua egoten den hiri-altzaria”. Horixe da pergolari buruz sarean aurkitu dudan azalpen edo definizioa.

Egia esan, ez dakit beste herri batzuetako pergolek definizio hau betetzen duten, ni bizi naizen inguruan behintzat ez dute inolako aihen edo landare igokaririk, biluzik daude pergolak. Agian, diseinatu zituenak landare apaingarriz ederturiko guneak izango zituen buruan. Beharbada, landare horien gerizpetan irakurtzen edo solasean irudikatuko zituen herritarrak.Horrelako usteren bat izango zuelakoan nago, baina, kasu honetan usteak erdia ustel.

Halere, ezin dezaket esan gure herriko pergola guztiak biluzik eta triste aurkitzen direnik. Egun hauetan ikusi dut bat, behinik behin, bere edertasuna erakusgai jartzen, lore morez apaindurik. Oraindik gerizpe askorik emateko gai ez den arren, zutabe bitatik gorantz doazen landare pare batek sortzen duen irudia ikaragarria da. Egia esan, gainontzeko zutabeak, bat izan ezik, zementoz inguraturik daude, ez zuten landererik jartzerik aurrikusi, antza.

Ez dakit nori dagokion pergolen zaintza, gaurdaino ez dut inoiz horrretan gehiegi pentsatu, baina aldea begi bistakoa da, eta amets egitea doakoa denez, zera datorkit burura: Izango ote dute nire etxe inguruko pergolek horrelako landarerik inoiz? Izango ote dut ikusterik?

Edertasun honen liluran ametsetan jarraituko dut eta, besterik ezean, noiz behinka, ikusi berri dudan pergola honetara hurbilduko naiz bere koloreez gozatzera.

Marisa Barrena psikopedagogoa da

Artículos: 159
1 Estrella2 Estrellas3 Estrellas4 Estrellas5 Estrellas (3 votos, media: 3,33 sobre 5)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

3 Comentarios

  1. xenki

    Arrazoia duzu, gure hiriak atseginakoak egiten dituzte lorak eta landareak, baina horrek mantenu baten beharra dauka eta inbertsio ekonomiko horrek jendearen atseginaz gain ez dauka beste ekarpenik, nire ustez beharrezkoa hiri adeitsuetan bizi ahal izateko. Norbaitek inguruan mendi ugari ditugula esango du irteerak egiteko, baina kaleak guztiontzat izan behar dira; haur, gazte, heldu eta nagusi. Egia esan azken urte hauetan kaleetan zeuden lorontziak desagertzen joan dira eta egun, lehen ere gutxi bazeuden ere, gaur ez da bat ere geratzen.
    Badirudi norbaiti bost axola naturarekin izan dezakegun lotura txiki hori.

    Deja una Respuesta
    1. Julen

      Kasualitatez, Durangoko Udalak Andra Mari ondoan dagoen errekan lore eder batzuk jarri eta hesiak margotu ditu, eta benetan eder ederra geratu dela.

      Deja una Respuesta
      1. Agus Ruiz Larringan

        Zeelandeko (Herbehereak) herri txiki batean harrapatu ninduen, zaborrontzi txikiak (familia bakarrekoak) bizilagun bakoitzarenak direlako. Kale berean sei ere baziren.
        Ea mentalizatzen garen guk erosi ez dugun arren zeharka ordaintzen ari garela.

        Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados