Ingurumenaren eguna

Ekainaren bosta Ingurumenaren Munduko Eguna izendatu zuten 1973an. Harrezkero, zenbait erakundek gure ingurumena zaindu egin behar dugula gogora ekartzen digu egun honetan.

Ingurumenaren aldeko jarduerak antolatzea eta sentsibilizazioa sustatzeari ondo deritzot, bai gaur, baita urte osoan ere, ingurumenaren zaintza egunero landu beharrekoa gaia baita, banakako ekintzen bidez indar kolektiboa sortuz.

Aurtengo leloa honako dugu: “Jendea eta natura, harremanetan, hirian nahiz landa-ingurunean, poloetatik ekuadorreraino.”

Egia esan, egun hau aitzakia ezin hobea da harreman horren bidez gure parke, berdegune edota eremu naturalez gozatzeko. Halere, sarritan harreman hori lortzea ez da hain erraza, utzikeriaren eraginez oztopo ugari aurkitzen baititugu gure inguruan. Zorionez, azken boladan, auzolanari esker gure herrian, Durangon, hainbat gune ari gara berreskuratzen eta eskerrak eman beharrean gaude  ekimena hau aurrera eramaten ari direnei.

Halere,  badaude, oraingoz gure esku ez dauden baina,  ingurumenari kalte ikaragarria egiten dioten erabakiak, gogoratu esate baterako:

• Zubietako erraustegia
• Fracking-aren arriskua
• Petronor-ek sortzen duen kutsadura
• Garoñako zentral nuklear zaharkitua
• Gure ingurune naturala suntsitu duen AHT trenbidea.

Zenbait erabaki gure esku ez badaude ere, ezin dugu isilik geratu ingurumenaren aurkako erasoak egitea ahalbideratzen dutenen aurrean. Ingurumena zaindu egin behar dugu, kosta ahala kosta. Bestela gureak egin du.

Gure ondorengoei uzten diegun herentzia ez dadila ingurumenaren suntsiketa izan.

Marisa Barrena psikopedagogoa da