Friso
Friso
Friso
Friso

10.000 emakume euskarazko wikipedian

Euskarazko wikipediak 20 urte beteko ditu abenduan, gaztea da oraindik, baina 380.700 artilulutik gora ditu ikusgai jadanik, egunetik egunera gehitzen doan kopurua. Horretarako wikipedia hornitzen dihardute hainbat wikilarik. Ez da zeregin eta erronka makala.

Oraintsu berriz, 10.000 emakumeren biografiak editatzera heldu gara wikilariok. Kopuru polita da eta pozik gaude, baina oraindik helburutik urrun gaudenik ahaztu barik. Egia esan, portzentaian oraindik gutxi gara, %20.1, baina horretan ere aurrera egin du euskarazko Wikipedian, 2017ko martxoko neurketa batean %13.63 bakarrik baitzen emakumeen presentzia. Aurrera bai, baina datuen arabera arrakala handia da oraindik, halandaze, bide luzea dugu jorratzeko.

WikiEmakumeok honetaz jabeturik gaude eta genero-arrakala hori murrizteko ahalginean dihardugu. Mentxu Ramilo arabar politologoa izan zen sare honen sortzailea, 2015ean eman zion hasiera WikiEmakumeok egitasmo honi. Durangon ostera, 2018an hasi ginen eta harrezkero hainbat emakume bistaratu ditugu. Durangokoengandik hasi ginen, eskualdekoekin jarraitu eta gaur egun bertoko zein kanpoko emakumumeen biografiak editatzen ditugu. Txiri-txiri bagabiz, astero elkartzen gara taldetxo bat Andragunean. Jadanik 550 emakumeren biografiak wikipediaratu ditugu.

Aipatutako taldeko kideok gogotsu dihardugun arren, egitekoa handia denez gero, editore gehiagorengana heldu nahi genuke, hau da, partaide gehiago nahi genituzke taldean. Hori dela eta, aurkezpen ekitaldi bat antolatu dugu, gure egitasmoaren nondik norakoak azaltzeko. Erduzie. Anima zaitezte. Wikipedian editatzea ez da zaila.

Wikiemakumeok aurkezpena.

Durangoko Andragunean

Urriaren 1 (barikua)  18:00

Mentxu Ramilo eta Marisa Barrena

 

 

Marisa Barrena psikopedagogoa da

Artículos: 159
1 Estrella2 Estrellas3 Estrellas4 Estrellas5 Estrellas (5 votos, media: 2,60 sobre 5)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados