OHZri buruzko batzar informatiboa egingo dute eguenean Abadiñon

Abadiñon Ondasun Higiezinen Gaineko Zergaren (OHZ) jaitsiera eskatu duen herritar taldeak batzar informatiboa deitu du eguenerako, hilak 22, arratsaldeko 19:00etan Errota kultur etxean. Deialdi horretaz gain, azaroaren 27an, 19:00etan, Abadiñoko udaletxean egingo den udalbatzara joateko deia ere egin dute.

Abadiñoko Udalak OHZ aldez aurretik onartutako portzentajeetan mantentzea erabaki zuen urrian egindako plenoan. Bilera hartan Abadiñoko Independienteak eta EAJk uko egin zioten herritar taldeak zerga jaisteko aurkeztutako mozioari zein batutako 1.400 sinadurei.

Herritar taldeak bideo bat ere zabaldu du sare sozialen bidez. Bertan azaltzen denez, herriko ondasun higiezinei ezarritako tipoa %0,25ekoa da 180.000 euro arteko balio katastrala duten etxeentzat, eta %0,32koa 180.000 eurotik gorako balioa dutenentzat. Hau da, lehenengo kasuan dauden jabeek 250 euro ordaintzen dituzte eta bigarren kasuan daudenak 320 euro.

Gainera inguruko herriekiko konparaketa ere egiten dute. Emandako datuen arabera, Iurretan, %0,23a ordaintzen da; Elorrion eta Zaldibarren %20a eta Berrizen %0,15a.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.