Miren Amuriza eta Beñat Ugartetxea Bizkaiko Bertsolari Txapelketaren finalean izango dira

Miren Amuriza (argazkia: Victor Uriarte) — Miren Amurizak Larrabetzuko zapatuko finalaurrekoan lortu zuen Bizkaiko Bertsolari Txapeleketaren finalerako txartela (Argazkia: Victor Uriarte)

Durangaldeko bi ordezkari izango dira Bizkaiko Bertsolari Txapelketaren final nagusian. Miribilla auzoko Bilbao Arenan abenduaren 17an jokatuko den ekitaldian Miren Amuriza eta Beñat Ugartetxea lehiatuko dira 2016ko txapelaren bila, norgehiagokan beste sei partaiderekin.

Amuriza hirugarren postuan sailkatu zen zapatuan Larrabetzun jokatutako hirugarren eta azken finalaurrekoan, baina ekitaldian lortutako 504,5 puntuekin finalean egoteko txartela eskuratu zuen. Beñat Ugartetxeak berriz, Basauriko saioa irabazita lortu zuen finalerako txartela.

Amuriza eta Ugartetxearekin batera izango dira Bilboko finalean Etxahun Lekue eta Jone Uria, Larrabetzu eta Markina-Xemeingo finalaurrekoen irabazleak. Beste lau finalistak, finalaurrekoetan metatutako puntue bitartez lortu dute txartela: Ibon Aguriagojeaskoa (507,5, Larrabetzun), Onintza Enbeita (497, Basaurin), Xabat Galletabeitia (495, Basaurin) eta Nerea Ibarzabal (482, Markina-Xemeinen).

Sailkapeneko hurrengo postua, bederatzigarrena alegia, Eneko Abasolo ‘Abarkas’entzat izan da, baina Markina-Xemeingo saioan pilatutako 478,5 puntuak ez dira izan nahikoak Bilboko finalerako txartela lortzeko. Finalerdietan lehiatutako eskualdeko beste bi ordezkariek hamabigarren (Txaber Altube, 450.5 punturekin) eta hamaseigarren (Aitor Bizkarra, 420 punturekin) postuetan sailkatu ziren.

Bilboko finalean egin beharko duten lana zortziko nagusian hiruna bertso ofiziotan; zortziko txikian hiruna bertso ofiziotan eta hamarreko txikian hiruna bertso ofiziotan eskaini beharko ditu bertsolari bakoitzak. Hasierako saioa osotzeko bakarkako lanari ekingo diote, puntua emanda, bertso bi zortziko txikian kantatuz lehenik eta ondoren, gaia emanda, hiru bertso doinu eta neurri librean eskaini beharko dituzte.

Hasierako ekitaldian puntuazio gehien lortzen duten bi bertsolariak pasatuko dira bigarren atalera. Azken agerraldian, zortziko txikian hiruna bertso ofiziotan eta seiko motzean hiruna bertso ofiziotan eskainiko dituzte lehehik eta saioa amaitzeko kartzelako lanari ekingo diote, gaia emanda hiru bertso doinu eta neurri librean kantatuz.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.