Loli Astorekak antzezten duen komedia eta AKADantz ikusgai izango dira Elorrion

Loli Astoreka antzezle zornotzarra partaide duen ‘De cuerpo presente. Una comedia de muerte’ antzezlana alde batetik, eta gaur egungo dantza erritmoak batzen dituen AKADantz 2015 lehiaketa-erakusketa iragartzen ditu asteburu honetarako Elorrioko Arriola Antzokiak. Antzerki agerraldia bihar, gaueko 22.00etan, izango da eta dantza ikuskizuna berriz larunbatean, arratsaldeko 18.00etan.

Glu Glu Producciones konpainiak ekoitzitako ‘De cuerpo presente. Una comedia de muerte’ ikuskizunean, Astorekarik batera, Gorka Aginagalde, Ylenia Baglietto, Mari Cruz Melgosa eta Galder Perez azaltzen dira agertokian.

Galder Perezek zuzendutako komedia gaztelaniaz antzeztuko dute eta ikuskizunak eskuzabaltasuna, diru-gosea, dohainak eta zitalkeria jartzen ditu agerian. Argumentua bat-bateko heriotza batetik abiatzen da eta hortik aurrera “ahalegin paregabea eragingo du azkenean espero ez zena izango delako oinordetza banatzeko”, konpainiaren esanetan.

Larunbat arratsalderako iragartzen dan AKADantz 2015 lehiaketa-erakusketa, gazteei eta amateur dantzariei zuzenduta dago. Funky, house, urban dance, hip-hop, break-dance, locking edo popping bezalako iri-dantzen ekimenaren irabazleka BreakOnStage jaialdian izateko aukera izango du.

AKADantzen helburu nagusia “taldeak lan egiten segitzera bultzatzea eta animatzea da“ eta arrazoi horrexegatik “Arriola Antzokitik euren lanak antzokia bezalako inguru eszeniko batean erakusteko aukera ematen zaie”.

Lehiaketan azaltzen diren taldeen baloraziorako irizpide nagusiak originaltasuna, sormena eta koreografiak burutzeko trebezia izango dira alde batetik, eta musika sinkronia eta talde lana bestetik.