Iurretako 35 ikasle Agenda 2030 programako Udal Foroan bildu dira

Maiztegi Herri eskolako 27 ikasle eta Orobiogoitia BHIko 8 ikasle Eskolako 2030 Agendaren Udal Foroan parte hartzeko bildu ziren maiatzaren 22an.

Udaletxeko osoko bilkuren aretoan egon aurretik, ikasleak bildu ziren Udal Foroa prestatzeko eta udal-diagnostikoan ateratako ondorioak adosteko. Izan ere, ikasturtean zehar 13. Garapen Jasangarrirako Helburua (klimaren aldeko ekintza) aztertu dute herrian zehar. Diagnostiko horren ostean, konpromiso batzuk hartu dituzte Iurretako ingurumena zaintzeko, eta era berean, hainbat proposamen adostu dituzte udal-ordezkariei aurkezteko asmoarekin.

Jarraian, udaletxean Oskar Koka Iurretako alkatea eta Mikel Pagonabarraga arkitekto teknikoarekin bildu ziren. Bertan, erabakitako konpromisoak eta proposamenak aurkeztu zituzten ikasleek, eta hurrengo ikasturtean herria hobetzeko antolatu nahi duten ekintza eraldatzailea aurkeztu zuten.

Udal ordezkariek ikasleek aurkeztutako ideiei erantzun zieten eta urtero programa honetan egindako ahalegina eskertu zuten, ingurumenaren alde lan egiten jarraitzeko animatzeaz gain, orain arte egin duten bezala.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.