Ikertzeko zerk duen lehentasuna aztertuko dute Topa Gerediaga jaian

Gerediaga elkarteak igandean, ekainak 7, ospatuko duen Topa Gerediaga jaiaren baitan, Durangaldeko ikergaien artean zerk duen lehentasunari buruz mintzatuko dira hainbat aditu. Solasaldia goizeko 10.30ean hasiko da Astolako auzitegi etxeko osoko bilkuren aretoan.

Ekitaldi horretan Gerediagaren ibilbidean “arlo ezberdinetan aholkulari izandako lagunak” izango dira protagonista eta aholkulari bakoitzak bost minutu izango ditu bere arlo arloari dagokion lehentasuna zein den plazaratzeko. Gero, partaide guztien eta eztabaida saiora hurreratzen direnen arteko solasaldiari egingo diote.

Gonbidatuak

Solasaldian izango diren adituak honako hauek izango dira:

Iñaki Goiogana; Errepublika eta gerra garaiko aditua da. Memoria historikoa arloko historialaria eta Sabino Arana Fundazioko artxiboko arduraduna.

Iñaki Irigoien; Euskal folklorea ikertzen jardun izan du eta batez ere Bizkaiko dantzak. Dantzari Dantzari buruz ikerketak egin ditu eta Durangaldeko hainbat dantzaren berreskurapenean pertsona garrantzitsua da.

Dona Gil eta Armando Llamosas; Eusko Jaurlaritzako Kultura Saileko arkeologia zerbitzuko langileak dira. Durangaldeko ondarearen gaineko ikerketa askotan aholkulariak izan dira.

Alberto Santana; Bizkaiko Foru Aldundiko etnografoa da. Baserrien historia arkitektonikoari buruzko ikerketak burutu ditu.

Jose Luis Lizundia; Euskaltzaindiako kidea eta Gerediaga Elkarteko sortzaileen taldekoa da. Euskara eta bereziki toponimia arloko ikerlaria da.