Ikaslez gainezka zabaldu da gaur Durangoko Azoka

Gerediaga Elkarteak Ikasleen Eguna berreskuratu du aurtengo Durangoko Azokarako, eta arrakasta handiz gainera. Landako Guneak gaur goizean ateak zabaldu dituen lehen momentutik, gaztetxoak izan dira jaun eta jabe. Gaur arratsaldean inaugurazio ekitaldia burutuko da, eta Eskoziak izango du ezinbesteko protagonismoa.

Euskal Herriko 22 ikastetxek parte hartu dute, eurentzako antolatu duten programazio zabalarekin. Kontzertua eskaintzeaz gain, idazle edo itzultzaile bihurtzeko aukera izango dute, kazetari lanetan arituko dira, edota web orrialdeak sortuko dituzte, besteak beste. Azokak aurten eskaintzen dituen guneetatik ibili dira ikasleak.

Inaugurazio ekitaldia, berriz, arratsaldeko 18.30ean ospatuko da Areto Nagusian. Bertan, Eskoziak ezinbesteko protagonismoa izango du, eta herri gonbidatu bezala, bertako kultura eta hizkuntza propioa ezagutzeko aukera emango du Azokak. Ekitaldian John Stewart gaiteroa eta Johm Boldaun gitarrajolea musika emanaldia eskianiko dute. Joxemari Carrere ipuinkontalariak, berriz, Jaun Zuria Bizkaiko lehengo Jaunaren elezaharra kontatuko du.

Estatu Batuetara, Argizaiola

Ahotsenea, Kabi@, Irudienea, Plateruena, Saguganbara, Szenatokia, Areto Nagusia, Areto Nagusia eta Azoka TV izango guneak.  ‘Hiria’ deitutako egitasmoak Durango osora hedatzea du asmoa. Izan ere, Landakotik San Agustinera euskal kultura bor-borrean izango da igandera arte.

Argizaola Saria William A. Douglass antropologo estatubutuarrari emango dio Gerediagak, Estatu Batuetan euskal kulturaren aditu nagusitzat jotzen da William. Ekitaldia bihar izango da San Agustin Kultur Gunean, 20.30ean.

Beraz, osagai guztiak lapikoan daude euskal kulturari ezinbesteko bultzada emateko Durangon.

DURANGON. Durangoko albisteak