Herritarrek balorazio oso positiboa egin dute ‘Bertokoak Berton’ ekimenaren inguruan

Amorebieta-Etxanoko auzoak dinamizatzen dituen “Bertokoak Berton” ekimenak, jarduera kultural, kirol eta hezitzaileak herritarrengana hurbiltzen dituena, balorazio positiboa jaso du bizilagunen aldetik. Egitasmoake topaketa eta partaidetza-guneak sortzea du helburu, bizitza komunitarioa indartzeko, eta azken ikasturtean herritarren agendan finkatu da, bereziki Etxanon, non parte-hartzea handitu den.

Urria eta ekaina bitartean 49 ekitaldi antolatu dira Euba, San Miguel, Boroa eta Etxanon eta guztira 501 parte-hartzaile izan ditu. Parte-hartzea honako hau izan da: Euba (180), San Miguel (105), Boroa (104) eta Etxano (112).

Nagusitasuna emakumeena izan da (%90), eta gehienak 60 urtetik gorakoak.Jarduerak oso anitzak izan dira: txokolate, xaboia eta pomada tailerrak, decoupagea, inprobisazioa, ferementatuekin eta barazkiekin egindako pateak, bingoa, hazi-poltsa, pasta ekologikoa, mugikorrarekin argazkilaritza, gyozak, monologoak, antzerkia, kontzertuak eta burua aktibatzeko tailerrak. Denak arrakastaz burutu dira, parte-hartzaileen segurtasuna eta erosotasuna bermatuz.

Parte-hartzaileen asebetetzea neurtzeko, 359 pertsonek balorazio fitxa bete dute, bost alderdi kontuan hartuta: jardueraren iraupena, edukia, espazioa, eguna eta ordutegia, eta arduradunaren prestaketa. Irizpide guztiek 4,9ko batez besteko nota lortu dute 5eko eskalan, eta emaitzek erakusten dute proiektuak herritarren itxaropenak betetzen dituela.

Hurrengo edizioetarako, 60 urtetik gorakoen asebetetzea mantendu nahi du, eta aldi berean gazteagoak ere erakartzea du helburu, programako ekintzak parte-hartzaile guztientzat antolatuz. Gainera, ekimenak gizarte kohesioan eta komunitatearen sorkuntzan duen eragina zehaztasun handiagoz neurtzeko tresnak hobetzea planteatzen da.