Herri Urratsekin elkartasun jaialdia antolatu dute Plateruenean

Joan zen urteko Iparraldeko ikastolen jaialdiak izan zituen emaitza eskasak larrituta, Durangaldeko hainbat sustatzailek elkartasun jaialdia antolatu dute datorren martxoaren 12an. Herri Urratseri babesa emateko, Plateruena Kafe Antzokian izango da ekitaldia.Ardo dastaketa, baba-jana eta Pirritx eta Porrotx pailazoen ikuskizuna izango da goizetik iluntzera.

Laguntza deia luzatu zuen Seaskak joan zen urteko Herri Urrats egunaren ondotik. Horregatik, maiatzaren 8ko jaira jende gehiago joan dadin, eta euskaldunak eta euskarazaleak Senpereko lakuaren bueltan ospatzen den hitzordura animatu daitezen, ???Gu ere lakuko??? ekimena prestatu dute hainbat elkarte, eragile eta norbakoren artean.

Durangaldean, berriz, Berbaro Elkartea, Plateruena Kafe Antzokia, Ikastola Kurutziaga eta Anboto Astekaria izan dira ekimenaren sustatzaileak.

Ekitaldia 12.30ean hasiko da Mikel Garaizabal enologoarekin ???Hordago Ardoa??? ardo dastaketa egingo da. Sarrera 3 eurokoa izango da. Ondoren, baba-jana antolatu da Igor Elortza eta Sustrai Colina bertsolariekin, prezioa 20 eurokoa izanez. Jaialdiarekin amaitzeko, 18.30ean Pirritx eta Porrotx pailazoen ikuskizunak 6 euroko sarrera izango du.

Sarrerak Plateruenean jarriko dira salgai ostegun goizetik aurerra. Pirritx eta Porrotxenak, berriz, Berbaron ere erosi ahal izango dira. ???Sarrerekin bilduko den diru guztia Herri Urratserako bideratuko da. Gainera ekitaldi hau gauzatzeko hainbat entitatek lagunzta eskaini dute eta langileek, teknikariek, hezitzaileek, gurasoek, bertsolariek eta partide guztiek boluntario modura egingo dute lan???, aurreratu dute antolatzaileek ekimenaren aurkezpenean. Gainera kanpainaren irudia eta abestia Durangaldeko komunikazio enpresa batek eta Berri Txarrak taldeak egin dituzte.

DURANGON. Durangoko albisteak