Gure Esku Dago-k JAED-eri eman dizkio tonbolan jaso barik gelditutako sariak

Tonbolan jaso gabeko opariak JAED-eri eman zizkion atzo Gure Esku Dago-k.

Durangoko Gure Esku Dago-k, pasa den maiatzaren 7ko galdeketa zela eta, tonbola bat antolatu zuen herriko merkatari eta ostalariek emandako opariekin. 160 sari inguru zozketatu ziren eta jaso barik gelditu zirenak JAED-eri eman dizkiote.

Tonbolako hainbat eta hainbat sari banatu ondoren eta “jasotzeko epea luzatu arren tonbolako opari batzuk ezin izan ditugu eman”, Gure Esku Dago-ko kideen esanetan. Hori dela eta, opari horiek herriko elkarte bati ematea erabaki zuen eta aukeratutako elkartea behartsuen alde lanean diharduen JAED izan zen.

Jaso gabeko opariak Iñaki Gorritxategi JAED-eko kideak jaso zituen atzo, Gure Esku Dagoko kideen eskuetatik. Horrela, aldez aurretik merkatari eta ostalariek esku zabal emandako opariak ez dira alferrik galduko.

Ekimena zapatuan Bilbon

Bestalde, Gure Esku Dago-k erabakitzeko eskubidearen aldeko ekitaldiak bultzatzen jarraitzen du, herri mailan zein maila nazionalean. Hala, Bilbon larunbatean egingo den ekimenean parte hartzeko gonbidapena luzatu dute. Hitzordua arratsaldeko 17.30ean izango da eta galdera ikur erraldoi bat irudikatuko da, kamiseta laranjak soinean jantzita eta globo gorriak eskuetan hartuta.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.