Banner en desktop Banner en móviles
Amorebieta Etxanoko Udala
Durangoko Udala
Berrizko Udala
Mañariko Udala

Gorka Pagonabarra durangarrak irabazi du Euskal Herriko eskolarteko bertsolari txapelketa

GorkaPagonabarragaTxapeldun
Saran jokatutako Euskal Herriko Eskolarteakoa irabazi zuen Gorka Pagonabarragak. (Argazkia: Bertsozale Elkartea)

Gorka Pagonabarraga bertsolari durangarrak irabazi du Sarako trinketean jokatutako XXX. Euskal Herriko eskolarteko Bertsolari Txapelketa. Pagonabarragak, Bizkaiko eskolarteko irabazi zuen maiatzaren 6an eta zapatuan Euskal Herriko onena izan zen, finalean izan ziren 13 bertsolarien artean.

Hasierako agurrak kantatu ondoren, binaka eta kasu betean hirukote moduan, zortziko handi eta txikiko ariketei ekin zioten 15 eta 18 urte bitarteko parte-hartzaileak. Agertokian Oihana Arana (Eskoriatza, 2001), Xabat Illarregi (Leitza, 2001), Haitz Capot (Zalgize, 2001), Elixabet Etxandi (Izpura, 2000), Irati Alcantarilla (Urruña, 2001), Aner Peritz ‘Euzkitze’ (Zarautz, 2002), Julen Etxeberri (Zaro, 2001), Hodei Renteria (Angelu 2000), Gorka Pagonabarraga (Durango, 2000), Ekiñe Zapiain (Bera, 2002), Aitor Ugarte (Aramaio, 2002), Iruri Altzerreka (Garai, 2000) eta Aroa Arrizubieta (Gasteiz, 2001) aritu ziren.

Lehen probetan puntuazio handiena lortu zuten Aitor Ugarte, Aner Peritz, Elixabet Etxandi, Gorka Pagonabarraga, Irati Alcantarilla eta Oihana Aranak egin zuten aurrera. Altzerreka garaitarrak berriz, ezin izan zen bigarren txandarako sailkatu.

Banaka aritu ziren sailkatutako sei bertsolariak, lehen puntua emanda hasieran eta gaia emanda gero, zortziko txikian eta bost puntuko neurrian hurrenez hurren. Amaieran Pagonabarragak batu zituen puntu gehien eta Aner Peritz izan zen bigarrena.

Finaleko gai-jartzaile lanak Julene Etxeberrik egin zituen eta Ainhoa Sarasuak harrera eta agurreko aurkezletza. Epaile lanetan berriz, Aitor Jimenez, Arkaitz Goikoetxea, Eneritz Azkue, Joakin Arregi, Jurgi Fuentes eta Lierni Elortza aritu ziren, eta idazkaria Ane Errazkin izan zen.

1982tik bertsolaritza ikastetxeetan lantzen eta urte luzez Eskolartekoaren antolaketa lanetan aritu den Mikel Mendizabalek jantzi zion txapela Pagonabarragari. Txapelketa amaitu ondoren bazkaria izan zen eta bazkalostean Saran’ga txaranga aritu zen.

Bertsozale Elkarteak eta Ikastolen Elkarteak antolatutako Euskal Herriko Eskolartekoak, XXX. edizioa bete du aurten eta orain ere hasierako helburuari eusten dio, bertsolaritzaren harrobia izatea, hain zuzen.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados