Euripean ere euskararen alde!

Hogei minutuko atzerapenarekin eta eguraldi kaskarrarekin sartu da Bizkaian 19. Korrika. Arrasate, Bergara eta Debagoieneko bailara atzean utzi ondoren, euskararen aldeko lasterketa herrikoia Elgetatik behera gerturatu da eskualdera. Eguraldi kaskarrak ez ditu Korrika zaleak eta ehunka euskahaldunak kikildu eta partaideek gogo onez bete dute aurretik prestatutako ibilbidea. 

Durangaldea ia osoa zeharkatu duen Korrikak, Elorrio, Atxondo, Abadiño, Durango, Iurreta, Berriz, Zaldibar, Mallabia eta Ermua herriak bisitatu ondoren Eibar, Elgoibar eta Mutriku iragartzen ditu ibilbideak. Iluntzean Bizkaian murgilduko da berriro, kasu honetan Ondarroan eta kostaldeko herrietan.

Gerediaga omendua

Eguerdian Bizkaian egindako sartu-irteeran, Durangaldeko kultur, kirol eta gizarte taldeetako ordezkaria eraman dute testigua, tarteko ezinduen beharrak asetzeko sortutako Gorabide eta Ge Be elkarteko kideek.

1.018. kilometroan aurtengo Korrikak omendutako Durangoko Azokako ordezkariek jaso dute protagonismoa. Urtero abenduan ospatzen den ekimen horrek 50. urteurrena beteko dituela eta, gaur egun Gerediaga elkarteko lehendakaria den Nerea Mujikak eta urte askotan Azokako zuzendaria izandako Anton Mari Aldekoa-Otalorak eraman dute testigua.

Kilometro batzuk aurrerago, 1.022an hain zuzen, Durangoko Abarrak AEK euskaltegian euskara ikasten hasi diren bi katalanek eraman dute lekukoa 1. urratseko ikastaldearen izenean.

Durangaldea atzean utzi ondoren Korrikak bisitaldi berria egongo du gure inguruetara datorren igandean, lasterkaldiak Amorebieta-Etxanoko udalerrian izango baita goizaldeko hiru eta erdiak aldera. Ondoren, Txorierrirantz eta Erandiorantz abiatuko da eta eguerdia aldean Bilbon izango da, 19. edizioari amaiera emateko.

(Elorriotik hasita murgildu da Durangaldean 19. Korrika)