Bideo freskagarria, udan igerilekuak sustatzeko

Aurten ekimenez beteriko gazte talde batek hartu du Atxondoko igerilekuko taberna. Horretarako, bideo freskagarri bat argitaratu dute “Atxondoko Igerilekuko Txiringitoa” izenarekin. Kotzertuak, bertso saioak eta ikastaroren bat prestatzeko asmotan dabiltza uda entretenigarriagoa egiteko. Momentuz datorren ostegunerako, uztailak 26, prestatu dute lehen bertso saioa, Miren Amuriza eta Eneko Abasolo ‘Abarkas’ bertsolariekin.

Ekimen hauen berri emateko eta tabernari bultzada bat emateko, bertako arduradunak eta durangaldeko zenbait gazte azaltzen diren bideo deigarri bat egin dute. Izan ere tabernaren Facebokean jarri dute ikusgai. Ane Zarate da tabernako arduratunetako bat, beraren aburuz ekimen honek “jendeari jakinaraziko dio hemen gaudela eta ezagutzen ez gaituenak etortzera animatuko da”.

“Beste ekimen batzuk prestatzen ari gara”, aurreratzen du Anek. ‘Trastorno’ bezalako Durangaldeko taldeen emanaldiak eta ekintza gehiago antolatzea espero dute. Hurrengoa datorren ostegunean izango da Miren Amuriza eta Eneko Abasolo ‘Abarkas’ bertsolarien emanaldiarekin. Bitartean igerilekuko sorosleek sabel dantza klaseak emango dituzte.

Ekimenekin batera ogitartekoak, arrazioak eta entsaladak ematen jarraituko dute, eguerdi eta iluntzean. Igerilekuan gauerdi-arte zabaltzen jarraituko dutela ere adierazi du Anek.

DURANGON. Atxondoko albisteak