Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

Atxondoko Udalak taberna bat jarriko du Arrazolako eskola zaharraren eraikinean

Taberna eta denda txiki bat jarriko da Arrazolako eskola zaharreko beheko solairuan.
Taberna eta denda txiki bat jarriko dira Arrazolako eskola zaharreko beheko solairuan.

Atxondoko Udalak taberna eta denda bat jartzeko asmoa agertu du Arrazolako eskola zaharreko eraikinean eta egitasmo hori gauzatzeko proiektua “urtea amaitu orduko” eskuan izatea espero du David Cobos alkateak.

Taberna eta denda eskola zaharreko eraikinaren beheko solairuan kokatuko dira, hala onartu baitzuten Udalak deitutako bilerara gerturatutako herritarrek. Egitasmoa, udaletxe zaharreko eraikinaren sotoan kokatuko den aterpetxearekin osatuko da eta bertan zazpi logela inguru jarriko dira.

“Aterpetxea jartzea ez da jarduera inportantea guretzat; beharrezkoa ikusten duguna taberna eta denda txiki bat izatea da”, Cobosen esanetan. Egitasmoa gauzatzeko beharrezkoa da behin betiko proiktua eskuan izatea “urtea amaitu orduko” eta aurrekontua jakitea. Dena dela, Udalak 100.000 euro inguruko inbertsioa egin beharko du Cobosen ustetan.

Hurrengo urratsa proiektua Udaleko 2017ko aurrekontuan sartu ahal den aztertzea izango da eta lanak aurrera eramateko diru-laguntzak bilatzea. Hala ere, “proiektua aurreratzeko lan txikiren bat aurten bertan egin ahal dugun ikusi beharko dugu”.

Udalak aurrera eraman nahi duen proiektua Aiert Buruaga arkitektoak egin du. Buruagak bost proposamen aurkeztu zituen auzotarrekin egindako bileran, baina Udalak garatuko duenak lortu zuen herritarren onarpena.

Aurkeztutako beste lau proiektuek eskola zahar osoan eta udaletxe zaharreko sotoan egin ahal diren aukerak batzen zituzten. Hala ere, eskola zaharreko lehen solairuan dagoen ludoteka bere horretan mantentzea erabaki zuten auzotarrek.

Egin behar diren lanak egin ondoren, Udalak lehiaketa publikoa deituko du taberna eta aterpetxea kudeatzeko.

Zortzi urteko auzia

Eskola zaharreko beheko solairuko erabilgarritasuna aurten bertan berreskuratu du Atxondoko Udalak, zortzi urtez lokala erabiltzen zuen Anboto-pe elkarteko kideekin epaitegietan ibili ondoren.

Udala eta elkartearen arteko auziaren arrazoia eraikinaren erabilera eskubidea zen. Arazoa 2014an hasi zen argitzen, Bizkaiko Probintzia Auzitegiak Udalari arrazoia eman zionean. Gainera, Auzitegi Gorenak atzera bota zuen Anboto-pe elkartekoek erabaki horren ondoren aurkeztutako errekurtsoa.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados