Aitor Ajuriak Euskadi Bertikaleko txapelketa lortu du eta Oihana Azkorbebeitia bigarrena izan da

Aitor Ajuria otxandiarra eta Oihana Azkorbebeitia abadiñarra, txapeldun eta txapeldunorde tituluak lortu dituzte, Anbotoko Kilometro Bertikalaren XIII. edizioan jokatutako Euskal Mendizale Federazioko txapelketan. Markel Urigoita otxandiarrak hirugarren postua eskuratu zuen.

Ajuria mendi-lasterkari otxandiarra hirugarrena izan zen Anboto gainean, 41minutu eta 31 segundoko denborarekin, baina Euskadi Bertikaleko titulua eskuratzea lortu zuen. Lasterketaren denborarik onena Loic Robertek egin zuen, 40:36 denborarekin, eta bigarrena Mikel Beunza nafarra izan zen 41:13rekin. Seigarren denbora onena Markel Urigoita otxandiarrak egin zuen, 43:20, eta EMFko txapelketaren hirugarren postua bereganatu zuen.

Emakume onena Naiara Irigoyen burlatarra izan zen, 47:31 denborarekin; bigarrena Oihana Azkorbebeitia sailkatu zen 48:58ko denborarekin eta hirugarren Maite Zabaleta izan zen 53:29rekin. Abadiñarrak, maila Absolutuaren bigarren postua eta Beteranoen titulua lortu zituen.

Lasterketan lehiatu ziren 250 kirolariek Atxondoko Arrazola elizateko Elizondotik abiatu ziren Anbotoko gailurrera iristeko (1.331 metro). Korrikalariek, 3.800 metroko igoera eta 1.092 metroko desnibel positiboa gainditu behar izan zuten.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.