Lehen grebalariak

Txikitan ???La pequeña fosforera??? ipuina askotan kontatu zidaten arren, inoiz ez zidaten aipatu eta oraintsu arte ez nekien, duela 125 urte, hau da 1888ko uztailean, London mendebaldeko 1400 emakume langilek greba egin zutenik.

Bryant&May enpresan egiten zuten lan emakumeok, pospologileak ziren. Egunean 14 orduz egiten zituzten pospoloak fosforo zuria erantziz, haien soldatak lotsagarriak ziren eta zigorrak zein isunak berriz, bidegabeak.

Sasoiko biktoriar gizartea eskandalizatua zegoen, ez emakumeen lan egoera kaskarragatik, baizik eta emakumeak etxean egon beharrean, lantegian zeudelako.

Laino guztien gainetik, emakumeak antolatzen hasi ziren lan baldintza hobeak lortzeko asmoz. Giro aldaketaren aurrean, lantegiko zuzendaritzak txarto elikatutako neska gazte bat bota egin zuen gainontzekoei beldurra sartzearren, baina hauek tinko erantzun zuten 6 ordezkari aukeratuz eta neskaren laneratzea, zigorren eta isunen amaiera eta jateko ke toxiko bako espazioak eskatuz.

Greba mehatxuaren aurrean, pospologileei zenbait egunetako soldata erretiratu egin zitzaien baina, neurri horrek haien arteko solidaritate amarauna ehuntzea eta ???matchgirls??? edo ???andrapospologiak??? izatearen harrotasuna gehitzea sortu zuen. Era berean, greban aurrera egiteko indarrak  eta euren aldarriak kaleratzeko kemenak gora egin zuen.

Pospologileak London erdialdeko aberatsak bizi ziren kaleetatik igarotzean, Parlamentura bidean, harrituta utzi zituen inguruko guztiak. Grebak arrakasta izan zuen eta hurrengo urtean, Tamesis kaian lan egiten zuten beharginek greba orokorra egin zuten.

Orain arte historialariek Tamesisko greba hau jo dute Bretainia Handiko langile borrokaren aitzindari pospologileen borroka ahazturik. Dena den, LouiseRaw historialariak emakume hauen historia islatu du liburu batean eta hilabete honetan POSPOLOGIEEN LEHEN FESTIBALA egingo da, mugimendu sindikalaren jatorria markatu zuen greba hura gogoratzeko, hain zuzen 125 urteko isiltasun ???ofiziala???ren ostean.

Marisa Barrena psikopedagogoa da