Uretako puzgarriak Landako II igerilekuan larunbat honetan

Durangoko Udalak, Durango Kirolak-en bitartez, uretako puzgarrien jardunaldi berri bat antolatu du urriaren 4an, larunbatean, Landako II igerilekuan. Jarduera 5 eta 12 urte bitarteko haurrei zuzenduta dago eta helburua familientzako aisialdi aukera seguru eta antolatua eskaintzea da.

Puzgarriak erabilgarri egongo dira 16:30etik 19:00etara, eta parte hartzaile bakoitzak ordu erdiko tarte batean eman beharko du izena, igerilekuko espazioa modu egokian kudeatzeko.

Izen-ematea eta sarrera baldintzak

Jardueran parte hartzeko, aurrez izena ematea derrigorrezkoa izango da, eta hori egin daiteke Durango Kirolak-en webgunearen bidez (erabiltzaile gisa erregistratuta) edo Landako IIko harreran, abonamendu motaren arabera.

Izen-ematea web bidez egiteko pausoak hauek dira:

1. Saioa hasi plataforman.

2. Ezkerreko menuan, hautatu PUZGARRIAK/HINCHABLES.

3. “Jarduera taldea” atalean, aukeratu GUZTIAK.

4. Hautatu nahi den ordutegia eta klikatu ERRESERBATU.

5. Itxaron mezua agertu arte: IZEN-EMATEA OSATUTA.

Izena emateko aurrerapena pertsona bakoitzaren abonamendu motaren arabera zehaztuko da:

● Urteko abonua dutenek 7 egun lehenago egin dezakete erreserba, igandetik aurrera.

● Hiruhilekoko abonua dutenek 3 egun lehenago, hau da, ostegunetik aurrera.

● Hileko abonua dutenek jardueraren egunean bertan, Landako IIko harreran bakarrik egin dezakete erreserba.

● Abonatu gabe daudenek, eguneroko sarrera erosita, egun berean egin ahal izango dute erreserba harreran.

Parte hartzeko baldintzak

Jarduerak haur bakoitza heldu batekin joatea eskatzen du. Gainera, txanda bakoitza hasi aurretik, begiraleek puzgarrien erabileraren arauak azalduko dituzte, jarduera modu seguruan eta antolatuan burutu dadin.

Informazio gehiago nahi izanez gero, Landako IIko 946 03 00 31 zenbakira deitu daiteke edo harrerara jo.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.