Tapia eta Leturia bandaren kontzertua Etxanoko jaietan

Hainbat ekintza antolatu dira, ostegunetik larunbatera bitarte, haur, gazte zein helduen gozamenerako: umeentzako puzgarriak eta jolasak, Kittu taldearen erromeria, pilota jaialdia, herri bazkaria, taloak, bertso saioa, umeentzako zinema, zirku eskola, parrilada, magia ikuskizuna, kontzertuak eta hainbat lehiaketa, hala nola, mus lehiaketa, tortila patatarena edo artzain txakurrena.

Montorrako jaien ondotik, oraingoan Etxano auzoa izango da jai giroan murgilduko dena, zehazki abuztuaren 14tik 16ra bitartean.

Festak abuztuaren 14an hasiko dira, arratsaldeko 17:00etan, txupinazoaren jaurtiketarekin. Horrekin batera, Txilinen aurkezpena eta kalejira egingo dira Etxanoko erraldoiekin eta ur zezena ere egongo da.

Astebururako, halaber, hainbat ekintza antolatu dira guztien gozamenerako. Nabarmenak dira umeentzako eta familientzako ekintzak, hala nola, puzgarriak eta jolasak, zinema, zirku eskola, mago ikuskizuna, marrazki lehiaketa eta ginkana…. Horrez gain, Kittu taldearen erromeria, pilota jaialdia, herri bazkaria, taloak, bertso saioa, parrilada edota hainbat lehiaketa ere jokatuko dira, esaterako, mus lehiaketa, tortila patatarena edo aintzan txakurrena. Mendi martxa, aitite eta amamei omenaldia ere egingo dira.

Festak Tapia eta Leturia bandaren kontzertuarekin amaituko dira abuztuaren 16an, gaueko 22:00etan.