Argazkia: Luis Iturrioz.

Asteburu honetan, maiatzaren 25 eta 26an, Durangoko Euskal Jaien astearen barruan jokatuko den Euskal Jaiak Zesta punta Txapelketaren XX. edizioaren lehen kanporaketak jokatuko dira. Hurrengo asteburuan, ekainaren 1 eta 2an, ere kanporaketak jokatuko dira eta final nagusia ekainaren 8an izango da.

Durango Jai Alai (DUJA) elkarteak antolatutako txapelketak 24 pilotari bilduko ditu, mutilen zortzi bikote eta nesken beste lau bikote lehiatuko baitira.

Amateur mailako txapelketa bada ere, “Euskal Herriko zesta punta elkarte desberdinetako 24 pilotari onenetarikoak parte hartuko dute”, antolatzaileen esanetan.

Txapelketa kanporaketa formatuan jokatuko da, mutilen kasuan final laurdenetan hasita asteburu honetan eta nesken kasuan final erdietan hasita ekainak 1 eta 2an. Ekitaldi guztiak, ekainaren 8ko finala ere, arratsaldeko 18:00etan hasiko dira.

Jardunaldi guztiak musikaz girotua egongo dira eta irabazleen artean 800 euroko diru sariak banatuko dira. Beraz, “konpetitibitatez beteriko lehiaketa espero da etorkizuneko pilotari hauen artean”, DUJAtik adierazi dutenez.

Lehen bi jardunaldietako egitaraua partida hauekin osatuko da:

Zapatua, 25. 18:00etan hasita

Ortiz de Mendivil-Otaño vs. Ihart-Frida

Haritz Egaña-Manzi vs. Etcheberri-Debetelu

Bonin-Oyhenart vs. Javier Urrutia-Unda

Domeka, 26. 18:00etan hasita

Gaizka Garat-San José vs. Urreisti-Andonegui

Leke-Urrutxua vs. Aldazabal-Oieder

La entrada Durangoko XX. zesta punta txapelketak 24 pilotari bilduko ditu se publicó primero en durangon.com.