Txan Magoaren saioak egongo dira gaur Zelaieta eta Trañqa-Matienako eskoletan.

Barikuan ospatzen den Euskararen Nazioarteko Eguna eta Euskaraldiaren bigarren edizioaren itxieraren harira, hainbat ekitaldi antolatu dituzte Abadiñon Udalak eta herriko erakunde eta elkarteek.

Prestatutako egitaraua gaur bertan abiatuko da Txan Magoak Zelaieta eta Traña-Matienako eskoletan eskainiko dituen saioek. Eskola orduetan izango diren agerraldietan ‘Hausle’ ikuskizuna jarriko du ikusgai. Eskola bietan egingo diren ekitaldiak ‘Etxeko herri txiki infernu handi’ bideoaren emanaldiarekin osatuko dira.

Errota Kultur Etxean, arratsaldeko 17:00etan, egingo den Abadiño 2020 Ipuin Lehiaketaren sari-banaketarekin jarraituko dute gaurko ekitaldiak. Saioa Ainhoa Urienek aurkeztuko du. Areto berean, baina 18:30ean, ‘Akelarre’ filma emango da eta proiekzioa Lorea Ibarra aktoreak aurkeztuko du.

Bihar amaitzen den Euskaraldiaren bigarren edizioarekin bat eginez, ‘Salam’ ikuskizunaren emanaldia prestatu dute. Probalekuan emango diren saioak 17:00etan eta 19:00etan izango dira.

Zapatuan berriz, ‘Erradikalak ginen’ bakarrizketa antzeztuko dute Ane Labakak eta Beatriz Egiazabalek Errota Kultur Etxean, 19:00etan hasita.

Prestatutako egitarauak jarraipena izango du domekan, eguerdiko 12.00etatik aurrera, Errota Kultur Etxean euskararekin zerikusia duten postalen eta argazkien proiekzioarekin eta film laburren lehiaketara aurkeztutako lanekin. Ondoren, sari banaketa ekitaldia izango da.

Datorren barikuan, hilak 11n, Esti eta Mikel Markezen kantaldia egongo da Errotan, arratsaldeko 19:00etan hasita. Sarrerak aretoan bertan eta Udal Mediatekan egongo dira eskuragai 5 eurotan.

Ekitaldi guztiak“ koronabirusaren aurkako neurriekin egingo dira”, Mikel Garaizabal alkate eta Euskara zinegotziak jakinarazi duenez. Eskoletan egingo diren ekitaldietarako izan ezik, gainontzeko guztietarako gonbiteak aldez aurretik hartu beharko dira Errotan edo Udal Mediatekan.

La entrada Euskararen Egunaren inguruko ospakizunak gaurtik abenduaren 11ra arte luzatuko dira Abadiñon se publicó primero en durangon.com.

Aldapeko San Juan ermitan izango da Txan Magoaren saioa.

Euskal Herriko zein beste herrialde batzuetan egiten den bezala, San Juan bezpera ospatuko dute elorriarrek. Ekitaldiak goizean, arratsaldean eta gauean izango dira, artisau eta sortzaileen azoka edo kiroldegi alboan egingo den ohiko sua egongo direla, besteak beste.

Elorrioko Eixu elkarteak antolatutako artisau, sortzaile eta ekoizleen azokarekin hasiko da zapaturako prestatutako egitaraua. Ekimenak 20 postutik gora bilduko ditu Urarka kalean, goizeko 10:30etatik 14:30era.

Jarriko diren postuetan landutako egurra eta material horretan pirograbatutako piezak; kremak, ukenduak eta xaboiak; haurrentzako arropak; bitxiak; makrame eta kristalezko eskulanak; jositako artikuluak; arrantzale arropak; poltsak eta motxilak; panpinak, pitixiak eta osagarriak; zilarrezko bitxiak edo inprimatutako kamisetak izango dira, besteak beste.

Azokaren egitaraua bestelako proposamenekin osotuko da, goizean zehar Mieltxo eta Edurnek egindako taloak zein Borbor Breweryk eskainiko duen garagardoa dastatzeko aukera egongo baita eta 11:30etan umeen tailerrak egongo dira. 12:00etatik aurrera inguruak girotuko ditu Dj Jkin Alonsok jarritako musikak.

Eguerdian meza eta hamaiketakoa egongo dira Aldapeko San Juan ermitara gerturatzen direnentzat. Arratsaldeko 17:00ak aldera berriz, ohiko kopadutxoa eskainiko zaie bertaratutakoei eta Txan magoaren saioa egongo da.

15:30ena XVII. San Balentin Berri-Otxoa xake azkar lehiaketa jokatuko da kontzejupean.

Auzolanean egindako sua piztuko da gaueko 22:00etan kiroldegi alboan. Jarraian, suzko zezena, su ikuskizuna eta Larimak girotutako disko-festarekin osatuko da egitaraua.

La entrada Eixu elkarteak antolatutako artisau, sortzaile eta ekoizleen azoka egingo da San Juan bezperan se publicó primero en durangon.com.