‘Hala ere’ lan berria aurkeztuko du Willis Drummond taldeak Durangoko Azokan.

Durangoko Azokaren baitako Ahotsenea guneak, 47 talde hasiberri zein ibilbide luzeko banden kontzertuak tartekatuko ditu abenduaren 7tik 11ra bitartean. Gune horrek 15. urteurrena beteko du, eta musika estiloen aniztasuna izango da edizio honetako ezaugarri nagusia.

Ahotseneako oholtzan azalduko diren taldeek euren azken lana aurkeztuko dituzte, goizeko 11:00etatik 22:00etara bitartean, etenaldirik gabe. “Azken urteetan bezalaxe, zuzenekoak Plateruenan antolatuko dira, eta kulturzaleek Euskal Herrian sortutako azken musika-nobedadeak ezagutu ahalko dituzte”, gogoratu dute Gerediaga elkarteko antolatzaileek.

Egitarauan tartekatuko diren Goxua N’Salsa, Neomak, Agur, Janus Lester, Keia, Irtera edota Mirua talde hasiberriek, eszenatokia partekatuko dute Delirium Tremens, Willis Drummond edota Kokein bezalako ibilbide luzeko bandekin.

Ohikoa  denez, rock eta pop doinuak izango dira nagusi eta horren adibide dira Maraca Diablo, Zakill, Sua, Piztiak, Hibai, Kurkuma, Saia Goait, Ezpalak, Pasadena, Assata, Asla, Kyxo, Rukula, Rodeo, Dukkha, Fufu, Mice, Txost!, Orbel, Burutik, Kristonak edota Mairu taldeak.

Pop elektronikoa

Pop elektronikoa ere presente egongo da Merina Gris eta Lumi taldeekin; Bengok eta Odeik hip-hopa gerturatuko dute; ska-reggaea doinuak lantzen dituzten Bolbora eta Sutan taldeek erritmo dantzagarriak eskainiko dituzte; Mugan taldeak folk doinuak eskainiko ditu; eta Arima Soul bandak jazz eta soul piezak joko ditu.

Ahotseneak, lekua egongon die Olaia Inziarte, Ilargi, Peru Galbete, Esti Markez eta Watson bakarlariei. Ines Osinaga musikariak ere bere proiektu berria aurkeztuko du eta Bilaka kolektiboak dantza eta musika uztartuko ditu emanaldi oso bereziarekin.

Kontzertuetako sarrera doakoa izango da aforoa bete arte, eta ez da beharrezkoa izango izena ematea aldez aurretik. Gainera, bertaratu ezin dutenek, aukera izango dute agerraldi guztiak streaming bidez jarraitzeko www.durangokoazoka.eus webgunean.

La entrada 47 taldek joko dute Durangoko Azokako Ahotsenea gunean se publicó primero en durangon.com.

Berrizko Udalak Inauterietan egiten diren ospakizunak berreskuratuko ditu eta aurtengo lotu duen programazioa aste honetako eguenetik zapatura burutuko da. Kultur Arloak prestatutako egitarauan zirkua, diskofesta eta musika agerraldiak tartekatuko dira.

2022ko Iñauteriak zirko emanaldiarekin abiatuko dira eguenean, hilak 24. Arratsaldeko 18:00etan hasita, Kolektivo Konika konpainiak ‘Nire sudur punta’ ikuskizuna eskainiko die Olakueta frontoira gerturatzen direnei, saioan porte akrobatikoak eta kantua uztartuz.

Bariakuan, etxeko gazteenentzat prestatutako diskofesta egongo da probalekuan, arratsaldeko 18:00etan hasita.

Aurtengo programazioa zapatuan egingo diren bi musika ekitaldirekin osatuko da. Eguerdian, Kantu Kolore taldeak ‘Peru krokodiloa’ ikuskizuna eskainiko du frontoian eta arratsaldeko 19:00etan Libe Garcia de Kortazar eta Jon Basaguren musikariek osatzen duten Pasadena bikotearen kontzertua egongo da Berrizko Kultur Etxean.

La entrada Berrizko Inauteriak eguenetik zapatura ospatuko dira se publicó primero en durangon.com.