Durangaldeko Mankomunitatearen Zaindu zerbitzuak laguntza ematen die mendekotasuna duten senideak zaintzen dituztenei –pertsona nagusiak, bereziki–. Zerbitzuak laguntza psikologikoko tailerrak jarriko ditu martxan Berriz eta Elorrion Laguntza tailerrak maiatzean zehar garatuko dira bai Berriz eta bai Elorrion. Horietan zaintzaileak berak bere burua zaintzeko estrategiak landuko dira.

Datak eta ordutegiak: 

• ELORRIO: “SENIDE ZAINTZAILEENTZAT LAGUNTZA TAILERRA” Astelehenak: 16:00-17:30 Maiatzak 4, 11, 18, 25
  Iturri kultur etxean
•  BERRIZ: “SENIDE ZAINTZAILEENTZAT LAGUNTZA TAILERRA” Ostegunak: 11:00-12:30 Maiatzak 7, 14, 21, 28
  Nagusien etxea

Zaindu Zerbitzuak doako laguntza, arreta eta orientazioa eskeintzen die mendekotasuna duten senideak zaintzen dituztenentzat Abadiñon, Atxondon, Berrizen, Durangon, Elorrion, Garain, Iurretan, Izurzan, Mañarian, Otxandion eta Zaldibarren.

Tailerrean parte hartzeko edo/eta informazio gehiago jasotzeko, aldez aurretik zerbitzuarekin harremanetan jarri behar da.

• Zaindu Durangaldea
• Tlf: 94 620 05 46 / 680 425 764
• zaindu@dma.eus​​

La entrada Zaindu zerbitzuak laguntza psikologikoko tailerrak antolatu ditu Berrizen eta Elorrion se publicó primero en durangon.com.

Durangoko Merinaldearen Amankomunazgoak herritarren ongizatea eta eskualdearen kohesioa jarriko ditu 2026ean bere jardunaren erdigunean. Izan ere, gobernu taldeak aurkeztutako 2026ko Aurrekontu proiektuak hainbat arlotan inbertsio estrategikoak aurreikusten ditu kalitatezko zerbitzu publiko eraginkorra lortzeko helburuarekin.

Guztira, 10.477.805,49€ko Aurrekontua aurkeztu du gobernu taldeak, iaz baino %8,33 handiagoak. Aurrekontu hauen bitartez, eskualdearen kohesioari eta zerbitzu publikoen kalitatea bermatzeari ekingo dio Mankomunitateak,

Diru-sarreren kapituluan, udal-ekarpenen % 11ko igoera funtsezko hainbat zerbitzuren kostuen igoerari zor zaio, hala nola Aldundiak zaborra biltzeko zerbitzuaren prezioa igo izanari edota droga-mendetasunen arloan Eusko Jaurlaritzak emandako dirulaguntza kendu izanari. Hori guztia Mankomunitateak hartu du bere gain, herritarrekiko duen konpromisoaren erakusgarri gisa, bai eta langileen egitura indartzeari ere, zerbitzu publikoaren kalitatea bermatzeko beharrezkoak diren figura tekniko berriak txertatuz.

Ahalegin partekatu horrek agerian uzten du udalerrien arteko lankidetza eta erantzunkidetasuna, eta horri gehitzen zaio Bizkaiko Foru Aldundiak gizarte-ongizatearen arloan egindako ekarpena % 3,12 handitu izana, 2026ko aurrekontuetan gizarte-politikek duten zentraltasuna berretsiz.

Aurrekontuaren zati handiena

Herritartasunaren arloko inbertsioak, guztira 6,74 milioi euro, aurrekontu osoaren zatirik handiena ordezkatzen du. %5,97ko igoerarekin, Mankomunitateak gizarte zerbitzu publikoaren sarearen indartzean sakonduko du.

Ardatz nagusien artean daude Gizarte Larrialdietarako Laguntzen (GLL/AES) kudeaketa indartzea, adikzioen arloko zerbitzua mantentzea, Eusko Jaurlaritzaren finantzaketarik ez egon arren, eta adinekoen arreta psikosoziala sendotzea, psikologo baten dedikazioa %80ra igoz.

Halaber, Abadiñoko eguneko zentro berria martxan jartzeko asmoa jasotzen du aurrekontuak, eta zerbitzuaren lehen urteko balorazioa egingo da, etorkizuneko hedapena aztertzeko.

Garapen lokala eta Berrikuntza

Tokiko garapeneko arloan, aurrekontuek 2,73 milioi euro bideratuko dituzte eskualdeko ekonomia eta jasangarritasuna sustatzeko, %10,53ko hazkundearekin. Hondakinen kudeaketan berrikuntza izango da protagonista: Mankomunitateak ‘sortzen denaren arabera ordaintzeko’ sistemaren analisi teknikoa egingo du, eta bilketa sare osoa modernizatuko du pisaketa eta geolokalizazio sistemak ezarriz bai kamioietan, bai edukiontzietan.

Garapen ekonomikoaren esparruan, Durango Enpresa Ekimena (DEK) indartuko da, ekintzailetza, berrikuntza eta enplegua sustatzeko gune gisa. Horretarako, profil tekniko espezializatu bat kontratatuko da proiektua gidatzeko eta lurraldeko eragileen arteko koordinazioa bermatzeko.

Elkartegia proiektuaren bultzada

Antolaketa eta administrazio orokorraren arloan, aurrekontuek 1 milioi eurotik gorako partida aurreikusten dute. Helburua da egitura profesional egonkorragoa eta eraginkorragoa lortzea, eta horretarako bi lanpostu tekniko berri sortuko dira, bata Giza Baliabideetarako eta bestea Arlo Ekonomikorako. Mankomunitatearen iritziz, administrazioaren egonkortasuna eta kudeaketa tekniko sendoa funtsezkoak dira zerbitzu publikoen kalitatea bermatzeko.

Era berean, Elkartegia proiektuan aurrerapausoak emango dira 2026an. Bizkaiko Foru Aldundiarekin elkarlanean, eraikina erostea eta bertan zerbitzuak bateratzea dira helburua, administrazioaren eraginkortasuna eta herritarrek jasotzen duten arreta hobetzeko.

“Zerbitzu publikoak inbertsio soziala dira”

Mankomunitateak nabarmendu du aurrekontuek ez dutela gastu logika soilik jarraitzen, baizik eta “inbertsio sozial eta kolektiboaren ikuspegia” dutela oinarri. Erakundearen ustez, herritarren beharrei erantzuteko gaitasuna sendotzen da inbertsio horien bidez, eta eskualdearen etorkizuneko erronkei aurre egiteko oinarriak finkatzen dira.

Idoia Otaduy Mankomunitateko presidentearen arabera, “zerbitzu publikoak ez dira gastu hutsa, baizik eta inbertsio sozial eta kolektiboa. Durangaldeak etorkizun bidezko eta oparo bat merezi du, eta hori elkarlanaren, gardentasunaren eta hurbiltasunaren bidez eraikiko dugu”.

Zentzu horretan, oposizioko alderdiei elkarlanerako deia egin die: “hormigoiaz haratago, Durangaldean hainbat proiektu estrategiko ditugu gure zerbitzuak eta, ondorioz, herritarren bizi-kalitatea hobetzeko, eta horretarako beharrezkoa da Mankomunitatea osatzen dugun alderdi ezberdinon arteko akordioa. Gobernu taldetik, gure eskua luzatzen diegu gainontzeko alderdiei beren proposamenak mahai gainean jarri eta eztabaidatzeko”

La entrada Gizarte zerbitzuak sendotzeko Aurrekontuak aurkeztu ditu Durangaldeko Mankomunitateak se publicó primero en durangon.com.

Durangaldeko Mankomunitateko Adikzioen Prebentziorako Zerbitzuak tabakoaren mendekotasuna gainditzeko ikastaro berri bat antolatu du.

Martxoaren 3an hasi eta astearte arratsaldeetan egingo da, bertaratu gehienen jatorrizko udalerrian. Parte hartu nahi dutenek otsailaren 23ra arte eman dezakete izena Adikzioen Prebentzio Zerbitzuan.

15-18 laguneko talde bat egingo da, eta hiru hilabetez bilduko da astean behin, 60-90 minutuko saioetan, adikzioetako espezialista batek gidatuta. Denbora hori igarota, jarraipen-saio bat egingo da. Izena eman ahal izateko ezinbesteko baldintza bakarra tabakoa uzteko benetako motibazioa izatea da.

Informazio gehiago eskatu edo ikastaroan izena eman nahi dutenek Adikzioen Prebentzio Zerbitzuaren bulegoan (Landako Elkartegia, 4 – 202 bulegoa, Durango), 94 620 05 20 telefonora deituz edo adikzioak@dma.eus helbidera idatziz egin dezakete

La entrada Durangaldeko Mankomunitateak erretzeari uzteko ikastaro berria antolatu du martxorako se publicó primero en durangon.com.

Datorren ostiralean, ekainak 6, Durangaldeko Adinekoen XXVI. Gimnastika Topaketa egingo da Traña-Matienako frontoian. Topaketa honek ehunka adineko bilduko ditu, ariketa fisikoari, bizikidetzari eta kolektibo horren ikusarazte aktiboari eskainitako jardunaldi batean.

Mankomunitateko Adinekoen Zerbitzuak antolatuta, topaketa 11:00etan hasiko da, irekiera ekitaldi batekin, eta, ondoren, gimnasia taldeen erakustaldia izango da. Edizio honetan honako talde hauek hartuko dute parte:

• Zaldibarko San Martin taldea (Zaldibar)
• Joxe Miel Barandiaran adinekoen egoitza (Durango)
• Txintxirri taldea (Elorrio)
• Elorrio adinekoen egoitza (Elorrio)
• Iurretako udal taldea (Iurreta)
• Eguzkilore eguneoko zentroa (Durango)
• Elorrioko udal kiroldegia (Elorrio)
• Nagusilagun programako taldeak (Durangaldea)
• Abadiñoko kiroldegia (Abadiño)

Ekitaldia 13:30ak aldera amaituko da, eta une horretan amaitutzat emango da topaketa, Durangoko Hotel Handian anaitasun bazkari batekin jarraitzeko.

Ekimen honen helburua da zahartze aktiboa sustatzea, ohitura osasungarriak sustatzea eta Durangaldeko adinekoen arteko lotura komunitarioak indartzea. Horri dagokionez, Mankomunitateko lehendakari Idoia Otaduyk azpimarratu duenez, “topaketa honek erakusten du adinekoak gure eskualdearen funtsezko zati bat direla. Haien bizitasuna eta partehartzea eredu dira belaunaldi guztientzat”.

La entrada Traña-Matienak Durangaldeko Adinekoen Gimnasia Topaketa hartuko du ostiral honetan se publicó primero en durangon.com.

Durangaldeko Mankomunitateak iragarri du Gizarte Larrialdietarako Laguntzak (GLL) eskatzeko epea irekiko duela. Laguntza horiek Mankomunitatea osatzen duten udalerrietan bizi diren eta kalteberatasun ekonomikoko egoeran dauden pertsonei eta familiei laguntzeko dira. Eskaera maiatzaren 19tik azaroaren 15era egin ahal izango da (bi egunak barne).

Gizarte Larrialdietarako Laguntzak prestazio ekonomiko bat dira, eta baliabide ekonomikorik ezak eragindako larrialdi egoerak arintzea dute helburu, oinarrizko ondasun eta zerbitzuetarako sarbidea bermatuz, hala nola etxebizitzaren mantenua, energia, elikadura edo jantziak, besteak beste.

GLL-ak estaltzen dituzten kontzeptu nagusiak honako hauek dira:

• Ohiko etxebizitza alokatzeko eta mantentzeko gastuak.
• Energia horniduren gastuak (elektrizitatea, gasa, etab.).
• Altzarien eta etxetresna elektrikoen gastuak.
• Oinarrizko beharren gastuak (elikadura, jantziak, osasuna).
• Aurretiazko zorpetze egoerek eragindako gastuak.

Laguntza horiek egoera ekonomiko kritikoak bizi dituzten pertsona eta familientzat dira, hala nola ustekabeko diru sarreren galera, gaixotasunagatiko gastuen igoera, langabezia edo bizitza duinari eustea zailtzen duen beste edozein baldintza. Durangaldeko Mankomunitateko Gizarte Zerbitzuak arduratuko dira eskaera bakoitza ebaluatzeaz eta laguntzak gehien behar dutenengana iritsiko direla bermatzeaz.

Funtsezko tresna

Laguntzen gehieneko zenbatekoa aldatu egiten da kontzeptuaren arabera, eta onuradunek premia larrienak bete ahal izango dituztela bermatzen da. Kontzeptu bakoitzerako urteko gehieneko muga araudi autonomikoan jasotako irizpideen arabera ezarri da. Horretarako, interesdunek beren udalerriko Gizarte Zerbitzuetan aurkeztu ahal izango dute eskabidea, eta han prozesuari buruzko informazioa eta orientazioa jasoko dute.

Durangaldeko Mankomunitateko lehendakari Idoia Otaduyk nabarmendu duenez, “GLLak funtsezko tresna dira gizarte zerbitzuen barruan, laguntza horien bidez larrialdi egoerek eragindako behar pertsonalak eta familiarrak prebenitzea lortzen baita. Mankomunitatetik Durangaldeko pertsonen gizarteratzea eta ongizatea babestu nahi ditugu, eta, beraz, lanean jarraituko dugu behar duenak gure laguntza izan dezan”.

La entrada Durangaldeko Mankomunitateak Gizarte Larrialdietarako Laguntzak eskatzeko epea ireki du se publicó primero en durangon.com.

Durangaldeko EH Bilduk “anbulategien itxiera” salatzeko eta “Osakidetzaren indartzea aldarrikatzeko” mozioa aurkeztu du eskualdeko hainbat udaletxetan.

Ekaina eta uztaileko osoko bilkuretan eztabaidatu edo eztabaidatuko diren eskarietan, “osasun etxeetan dagoen izugarrizko profesional gabezia” salatzen dute. Horren ondorioz, profesional batek “gainerakoen agendak bete behar izaten ditu edo egunerokotasunean 45 kontsulta izaten ditu”, eta egoera horretan “ezinezkoa da pazienteei kalitatezko arreta bermatzea”.

Gainera, “hainbat osasun etxeetan bizitza osoan izandako zerbitzuak ixten edo murrizten ari dira” salatzeaz gain, “kontsulta presentzialak lortzea gero eta zailagoa izaten da” eta adinekoen eta kronikoen jarraipena egiteko “gero eta zailtasun handiagoak” daudela adierazi dute. Gotzone Sagardui Osasun sailburuaren iragarkia ere kritikatu dute, ez baita bidezkoa “herri txikietan medikura joateko beste herri edo hiri batera” joan behar izatea.

Zerbitzuak bermatzea

Zaldibar, Elorrio, Mañaria, Izurtza, Abadiño edo Berrizen aurkeztutako mozioan, “urte osoan zehar, uda sasoian barne, osasun sistema publikoak eskaintzen dituen zerbitzuak bermatzea” eskatzeaz gain, “lehentasunez mediku egoiliarren kontratazio-eredua aldatu dezala, kontratu egonkorrak eta lehen arretan euren garapen profesionalerako ibilbidea ahalbidetuko dutenak bermatuz” eskatzen du koalizioak. Azkenik, “Lehen Arretarako eskaintzen duten mediku, erizain eta gainerako osasun profesional kopurua handitzea”, exikitu dute.

EH Bilduk, Podemos-IU, EAJ eta PSErekin akordioa sinatu zuen otsailean Legebiltzarrean “Durangaldeko osasun zerbitzuen beharrak aztertu eta neurriak planifikatzeko”. Lanketa horien baitan, “Mañaria, Izurtza, Elorrio eta Durangoko udalek herrietako osasun beharrak aztertu eta antzematen zituzten beharren zerrenda bidali zioten Osasun Sailari, baina ez dute oraindik erantzunik edo bilera deialdirik izan”.

Hilabete horretan, “Osasun Sailak beharren azterketa Mankomunitatearen bitartez egingo zuela” iragarri bazuen ere, eskualdeko erakunde horrek “ez du horretarako eskumenik”, koalizio soberanistak azpimarratu duenez. “EH Bilduk Mankomunitateari bere eskumenetan aritzea eskatu zion, ez baita legegintzaldi honetan bereak ez diren eskumenetako gaietan iragarpenak egin dituen lehen aldia”.

La entrada EH Bilduk anbulatorioen itxiera salatzen du eskualdeko Udaletan aurkeztutako mozioetan se publicó primero en durangon.com.

Juanjo Novellaren ‘ognarud’ eskulturaren aurrean aurkeztu da Astola 11. zenbakia

Gerediaga elkarteak ibilbide gidatuak antolatu ditu Durangoko kale eskulturak ezagutzeko, argitaratu berri duen Astola urtekariaren 11. zenbakiko erreportaje baten harira. Mikel Onandia arte historialariak idatzitako ‘Arte y espacio público’ artikuluan, hiriko guneetan jarritako arte lan garaikideen errepasoa egiteaz gain, aire libreko museoaren egitasmoaren berri ematen da.

Aldizkarian agertzen den artikulu hori dela eta, Gerediaga elkarteak azaroaren 5ean egingo diren ibilaldi gidatuak prestatu ditu lehenego aldiz. Onaindiak berak gidatuko dituen ibilbideak, goizeko 10:00etan gaztelaniaz eta eguerdiko 12:00etan euskaraz hasiko dira, Arte eta Historia Museotik abiatuta.

Parte hartzeko aldez aurretik eman behar da izena, gerediaga@gerediaga.eus helbide elektronikoan edo 946818066 telefonoan. Ibilbide bakoitzak 5 euro balio du eta partaideek Astola aldizkariaren ale bana jasoko dute.

Mikel Onandiaren artikuluaz gain, beste zortzi erreportaje tartekatzen dira ale berrian. Markel Onaindiaren ‘Artzainak XXI. mendean, pasioa bizirik’ erreportajea; Jesus Muñizek ‘A la luz de un mismo sol. Semejanzas entre la obra del maestro Arbulu y el Crucero de Kurutziaga’ artikulua edo Iban Gorritik eta Jon Irazabalek elkarlanean egindako ‘Memoria, ukatutako iragana berreskuratzen’ ikerketa.

11. alearen 176 orrialdeetan Jose Mari Uriartek idatzitako ‘Argazkilari minuteroak’; Maria Carmen Navarroren ‘Los encinares cantábricos de Durangaldea’; Felix Mugurutzaren ‘Durangaldeko herri-izenak, lurraren bihotz taupadak’; Joseba Gorostizaren ‘Mancomunidad de Durango, una comarca incompleta’ eta Teresa Camposen ‘Berrizko Besoitaormaetxea, etxolatik baserrira’ erreportajeak ere agertzen dira.

Astola kalean

Astola aldizkaria jendearengana gerturatzeko helburuarekin, Gerediaga elkarteak erakusmahaia jarriko da Andra Marin azaroaren 4ko eguerdian. Bertan, salgai izango den 11. alearekin batera, agortuta ez dauden beste zenbakiak ere eskuragarri izango dira. Dena dela, aurreko 10 zenbakiak gerediaga.eus webgunean daude eskuragarri.

La entrada Durangoko kale eskulturak ezagutzeko aukera ematen du Astolaren 11. zenbakiak se publicó primero en durangon.com.