Kultura, artea eta elikagaien inguruko ekoizpenak ezagutzeko aukera emango du ‘Mallabitarrok egina’ ekimenak.

‘Mallabitarrok egina’ ekimenaren laugarren edizioarekin hasiko dira bihar Mallabiko Urriko Jaiak. Azaroaren 2an Zelai harri-jasotzaileari egingo zaion omenaldiarekin amaituko diren ospakizunen egitarauan kultur eta kirol ekitaldiak tartekatuko dira, baita Nøgen eta Kaotiko musika taldeen kontzertua ere.

Berbalagunek herriko ume, gazte eta helduentzat sortutako ‘Mallabitarrok egina’ ekimenak, “euskararen praktika sustatzea nahi du”, ekintza horren arduraduna den Juanmi Bravoren esanetan. Auzoz auzo egiten den ibilbidean, baserri desberdinetan lantzen den kultura, artea zein elikagaien inguruko ekoizpen ugaria ezagutzeko aukera izango dute parte hartzen dutenek.

Goizeko 10:00etan udaletxe paretik kotxez abiatuko diren herritarrek San Juanen izango dute lehenengo geldialdia, bertan rallyen mundua ezagutzeko aukera izango baitute Asier Tejadoren eskutik. Ondoren, Antzinako Tresnen Museoa bisitatuko dute Trabakuan; Berano inguruko ‘zuhaitz motz’ basoetara gerturatuko dira Valentin Mugerzak ‘zuhaitz motzaren’ milaka urteko teknika azaltzeko eta amaiera Arrixe elkartean izango da nork bere janaria eramanda egingo duten bazkariarekin.

Ekimen horretan parte hartzeko beharrezkoa da izena ematea 663 070 492 telefonoan, Eskolan edo Mallabiko liburutegian.

Domeka goizean herri barruko zirkuituan egingo den Duatloi txikiarekin jarraituko dute Urriko Jaiak eta eguenean ‘Depresioa eta gaixotasun afektiboak’ hitzaldia egongo da Kontzejuzarrean.

Txupinazoa, barikuan

Nogen eta Kaotiko taldeek kontzertua urriaren 26an izango da.

Ospakizunen hasiera ofiziala datorren barikuan, hilak 25, piztuko den txupinazorekin egingo da. Arratsaldean egingo diren merendola, tailerrak eta buruhandien irteeraren ostean piztuko dute txupinazoa, 18:30ak aldera.

Jarraian, elizpeko pilota txapelketaren finala jokatuko da eta Errebal dantzaldi gidatua eta oilasko pintxoak dastatzeko aukera egongo dira parkean. Eguneko egitaraua osatzeko, Ingot eta EZ3 taldeen kontzertuak egongo dira, Mugi Panderoarekin erromeria eta Dj Anderren ekitaldia.

Nesken frontenis txapelketarekin hasiko dira zapatuko ekitaldiak. Eguerdian Mallabiko IV. Ardau Ferixie egingo da probalekuan eta bertan herriko tabernariek egindako pintxoak ere salgai egongo dira. Bazkari autogestionatuaren ostean birziklatze jolasak egongo dira eta Dunbots txarangak kale animazioa jarriko du. 22:30ean Nøgen eta Kaotiko taldeen kontzertua egongo da eta jarraian Txurruren saioa hasiko da plazan.

Umeen futbito partiduak egongo dira domeka goizean eta 16:30ean ‘Futbolariak eta printzesak’ antzezlana eskainiko du Eidabe konpainiak. Jarraian egongo den txokolatadarekin eta 17:00etan hasiko den mus txapelketarekin osotuko da eguneko egitaraua.

Urriko Jaiak azaroaren 1ean jokatuko diren nesken gomazko paleta zirkuituko partidekin eta hurrengo egunean Zelai harri-jasotzaileari egingo zaion omenaldiarekin eta herri kirolen erakustaldiarekin osotuko dira.

La entrada Baserritarren eta artisauen ekoizpena ezagutzeko irteerekin hasiko dira Urriko Jaiak Mallabin se publicó primero en durangon.com.

Mallabiko parkean jarriko den karpan joko du Governors talde arrasatearrak.

Parkeko karpan zapatuan izango diren musika kontzertuak eta domekan egingo den Ardau Feria nabarmenduko dira Mallabin asteburuan ospatuko diren Urriko Jaien egitarauan.

Julen Zabaleta marrazkilariari bihar, arratsaldeko zazpietan, frontoian emango dioten ‘Gure Balioak saria’ ekitaldiarekin abiatuko dira ospakizunak. Elgoibarren jaio eta Eibarren bizi den artistari egingo zaion omenaldia Debegesa garapen agentziaren ekimena da eta Mallabiko Udalaren zein DanobatGroup enpresaren laguntza du.

Urriko Jaien hasiera ofiziala barikuan, arratsaldeko 18:30etan, udaletxeko balkoitik botako den txupinazoarekin izango bada ere, aldez aurretik Guraso elkarteak antolatutako umeen tailerrak eta buruhandiak egongo dira eskolan.

Elizpeko pilota txapelketaren finalak jokatuko dira 19:00etan eta horren ostean Dunbots txarangaren kalejira, plazan egingo den oilasko pintxoen dastatzea eta eguna borobiltzeko EZ3 eta Rock Brothers Duo taldeen agerraldiak egongo dira plazan.

III. Ardau Ferixie

Zapatuan ospatuko da Urriko Jaien egun handia. Eguneko ekitaldiak goizeko 9:00etan jokatuko den nesken frontenis txapelketarekin hasiko dira eta eguerdian III. Ardau Ferixie irekiko da probalekuan. Mallabiko Udalak eta Ardosaltsanek antolatutako ekimenera sartzeko sarrerak zazpi eurotan salduko dira eta bertan ardo desberdinak probatzeko aukera egongo da. Herriko tabernariek prestatutako pintxoak dastatzeko aukera ere egongo da.

Arratsaldean,  Ondarearen Europako Jardunaldien egitarauan tartekatutako bisitaldi gidatua egingo da Ametzaga (Arana) Jauregira eta Jasokunde elizara eta umeek Txiki-txef ekimenean parte hartzeko aukera izango dute.

Kontzertu indartsuarekin osotuko da eguneko egitaraua, gaueko 22:30etatik aurrera The Van, U2 taldearen bertsioak eskaintzen dituen Please, Governors eta Ze Esatek! taldeak igoko baitira agertokira. Eguraldi iragarpen txarra dela eta, Udalak karpa erraldoia jarriko du parkean eta sarrera doan izango da.

Urriko Jaiak domekan amaituko dira arratsaldeko 16:30etan Tor magoak umeentzat eskainiko duen saioarekin, ondoren egingo den txokolatadarekin eta Kontzejuzarrean jokatuko den mus txapelketarekin.

La entrada The Van, Please, Governors eta <br/>Ze Esatek! joko dute zapatu gauean Mallabiko Urriko Jaietan se publicó primero en durangon.com.