Elorrioko Udalak eta Asanblada Feministak txalotu egin dute joan zen astean gertatutako eraso matxistaren ondoren, herritar batek erasoa identifikatzea eta “esku hartzeak”, 48 urteko gizona “auzitegietara eramatea” ahalbidetu zuelako.

Erasotzaileak bi adin txikikoei argazkiak eta grabazioa egiteaz gain, bietako bati hanketan ukituak egin zizkion. Gizonezkoa Ertzaintzak atxilotu zuen eta Durangoko Epaitegitik pasatu ondoren, epaileak kartzelaratzeko aginduan eman zuen.

Hori dela eta, Elorrioko Udalaren Bozeramaileen Bilerak, “gaitzespen irmoa” adierazi du eraso matxista horren kontra. Gainera, Udaleko arduradunak “harremanetan jarri dira adingabe horien familiekin, korporazioaren babes osoa helarazteko eta behar izan dezaketen laguntza eskaintzeko”.

“Emakume izateagatik jasaten dugun edozein indarkeria mota Giza Eskubideen urraketa larri eta onartezina da”, Udalaren ordezkarien arabera.

Asanblada Feministarentzat berriz, erasoa “neska/emakumeon* gorputzekiko zapalkuntza, kontrola eta sexualizazioa agerian uzten ditu”.

Gizon kartzelaratuaren jarrera salatu zuen herritarraren eredua jarraitzera animatu du Asanblada Feministak, “denok baikara sistema hau iraultzeko beharrezko subjektuak. Jarraitu dezagun, autodefentsa feministaren eskutik, erasotzaileak identifikatu eta erasoak salatzen; eta bitartean, erasoa jasaten dutenak, boteretu, babestu, eta diskrezio osoz zaintzen”.

La entrada “Txalogarria da herritar batek erasoa identifikatu eta neurriak hartu izana” se publicó primero en durangon.com.

(Argazkia: Delfín Zubizarreta).

Zaldibar Argitu plataformak Durangoko epaitegiaren aurrealdean egingo den elkarretaratzea deitu du egunerako, hilak 20, goizeko 9:45ean. Egun horretan ikertu gisa deklaratu behar dute Eusko Jaurlaritzako Ingurumen Saileko hiru teknikarik.

Deklaratu behar duten teknikariak, “ustez prebarikazioa egin zutelakoan” deitu dituzte, “Zaldibarko zabortegiaren hondamendiaren harira, ingurumenaren kontrako delituak ikertzen dituen auzian”, plataformaren kideen esanetan.

Egueneko elkarretaratzearekin “arduretan azkeneraino, eta goraino” heltzea nahi du Zaldibar Argituk. Izan ere, “hiru urte baino gehiago igaro behar izan da Eusko Jaurlaritzako norbait epaitegira eramateko deklaratzera. Horixe bakarrik nahikoa da ondorioztatzeko gauzak asko hobetu daitezkeela. Harrigarria egiten zaigu hiru urte baino gehiagoan zabortegia kontrolatu behar zuen erakundeko inor ez pasatu izana epaitegitik”.

Beraz, plataformako kideei gustatuko litzaieke egueneko deklarazioak “lehen urratsa izatea Eusko Jaurlaritzaren ardurak zehazten hasteko, ez baitugu uste teknikari horiek baino ez izatea ardurarik zabortegiaren gaineko kontrol faltan, erantzule bakarrak.

Elkarretaratzea ‘Langileak, Osasuna, Erantzukizunak’ lelopean egingo da eta herritarrei bertaratzeko deia egin diete.

La entrada Zaldibar Argituk elkarretaratzea deitu du eguenerako Durangon se publicó primero en durangon.com.

Epaitegiaren aurrealdean egin da elkarretaratzea.

Bizkaiko Metalgintzako beharginak 2019an zehar burutu zituzten mobilizazioetan salatutako langile batek Durangoko epaitegian deklaratu behar izan du gaur goizean.

Hori dela eta, Bizkaiko Metalgintzako zenbait beharginek elkarretaratzea egin dute lankideari babesa emateko. Bildutakoek ‘Langileon eskubideak defendatzea ez da delitua. Metalgintzako grebalariak” jartzen zuen pankarta erakutsi dute.

Deklaratzera deitutako pertsona Bizkaiko Metalgintzako “hitzarmenaren aldeko borrokan” parte hartzeagatik salatu zuten eta gaurkoarekin “hiru dira salatuak izan diren langileak beraien eskubideak defendatzeagatik”, ordezkari sindikalek adierazi dutenez. Gainera, “hainbat izan dira isunak jaso dituzten langileak metalaren alde borroka egiteagatik”.

Elkartutakoek euren “babes osoa” eman nahi izan diote lankideari eta, horrekin batera, “errepresioak ez gaituela metaleko langileak eta orokorrean langile klasea geldituko ezta isilaraziko” gogoratu nahi izan diote patronalari. Izan ere, “metaleko hitzarmena Gabonak baino lehenago” sinatu zela gogoratu dute baina, hala ere, “langileen gaineko errepresioak irauten du”.

La entrada Elkarretaratzea egin dute epaitegira deklaratzen joan den Metalgintzako langile bati babesa emateko se publicó primero en durangon.com.