Berrizko Udalak Mari Domingiri eta Olentzerori zuzendutako 2022ko postal-gutun lehiaketa antolatu du. Parte-hartzaileek, nahitaez, Gabonetako bi pertsonaiei zuzendutako gutuna edo postala egin beharko dute.

Gutunetan edo postaletan ‘Nola zoriondu Gabonak?’, ‘Zer eskatu Olentzerori eta Mari Domingiri?’ edo ‘Zeintzuk dira gure desioak urte berrirako?’  bezalako galderak erantzun daitezke.

Lehiaketa hiru kategoriatan banatuko da. Lehen Hezkuntzako ikasleak hiru taldetan banatuko dira, Derrigorrezko Bigarren Hezkuntzakoak bi taldetan, eta hirugarren kategoria 16 urtetik gorakoentzat izango da.

Proposamenak aurkezteko epea abenduaren 16an amaituko da eta gutunak edo postalak ikastetxeetako zuzendaritzan edo Berrizko udaletxean jarrita dagoen postontzian entregatu daitezke.

Sariak abenduaren 24an banatuko dira.

La entrada Olentzero eta Mari Domingiri postalak eta gutunak idazteko lehiaketa antolatu dute Berrizen se publicó primero en durangon.com.

Aurtengo udalekuetan derrigorrezkoa izango da maskara janztea.

Durangoko Berbaro elkarteak ekainean eta uztailean egingo diren lau udaleku prestatu ditu uda honetarako eta bakoitza adin tarte zehatz batentzat zuzenduta egongo da. Izen ematea martitzenetik eguenera egingo da AEKren euskaltegian.

Hasieran antolatuta zituzten udalekuak bertan behera gelditu baziren koronabirusak sortutako osasun-larrialdiagatik, oraingo udaleku bakoitzak astelehenetik barikura iraungo du, goizeko 9:00etatik 13:00etako ordutegiarekin.

Parte hartu nahi duten ume eta gaztetxoek bakoitzaren ikasturtearen arabera banatuko dira. LH1 eta LH2koen udalekua ekainaren 29tik uztailaren 3ra izango da; LH3 eta LH4koena uztailaren 6tik 10era; LH5 eta LH6koena uztailaren 13tik 17ra eta DB1 eta DBH2koean uztailaren 20tik 24ra.

Talde bakoitzeko hezitzaileak zortzi ume edo gaztetxo izango ditu bere ardurara eta talde desberdinetan dauden kideen artean kontaktua saihestuko da. Gainera, osasun larrialdiak behartutako araudia betetze aldera, udalekuetan parte hartuko dutenek egunero maskara etxetik eraman beharko dute.

Pinondo Etxea itxita dagoenez izen-ematea Durangoko AEK euskaltegian izango da (Santanoste kalea 4), ekainaren 16tik 18ra, 18:30etatik 20:00etara. Udaleku bakoitzagatik 85 euro ordaindu behar dira, baina Berbaroko bazkideek eta neba-arrebak dituztenak hobariak izango dituzte.

Berbaroren bulegoa itxita dagoenez, zalantzak argitzeko webguneko kontaktu formulariotik idatzi edo 946201918 (Berbaro orokorra) edo 946202540 (Haur eta gazte arloa) zenbakietara deitu daiteke.

La entrada Astelehenetik barikura iraungo duten lau udaleku txanda prestatu ditu Berbarok udarako se publicó primero en durangon.com.