‘Labur esanda’ film laburren lehiaketa antolatu du Berbaro Elkarteak irailaren 11 eta 12rako eta antzeko beste lehiaketa batzuetan egiten den moduan, parte hartzaileek 24 ordu izango dituzte ikus-entzunezkoa grabatu, editatu eta entregatzeko.

Antolatzaileek gai bat, esaldi bat eta objektu bat emango dute lehiaketaren hasieran eta hortik aurrera 24 ordu izango dituzte parte hartzaileek beraien sorkuntzak burutzeko. Irabazle eta finalisten artean, 500 euro banatuko dira saritan.

Momentuz, lehiaketaren datak aurreratu dituzte Berbaro Elkartekoek, parte hartu nahi dutenek “data gordetzeko eta kamerak prestatzeko”. Gainontzeko informazioa eta xehetasunak berriz, abuztua amaieran emango dituzte jakitera.

La entrada ‘Labur esanda’ film laburren lehiaketa antolatu du irailerako Berbaro Elkarteak se publicó primero en durangon.com.

Aurtengo Ibilaldiaren antolatzaileen arabera “emozio bat transmititu” eta “gauzak egiteko gogoa” azaldu nahi duen bideokliparen grabaketa eta edizioa Kimetz Blancok eta Imanol Garaizabalek egin dute eta dronarekin berriz, Aritz Kortazar aritu da.

Irudietan agertzen diren Txintxirriko ikasle, gazte, irakasle, guraso, ikasle ohi, guraso ohi eta urrunagoakoekin batera, ikastolak eskaintzen dituen hainbat baliabide erakusten dira, edizio honetarako egindako kantaren erritmora.

‘Hel Horri’ kantaren hitza Itsaso Basaurik, Haritz Luzarrek eta Iraitz Erkiagak idatzi dute eta kantaren grabaketan Mockers taldeko Asier Elias, Urkotxo txaldeko Urko Igartiburu, Han taldeko Gorka Molero, Sugoi taldeko Mikel Quesada, Oxabi taldeko Eneko Arraibi eta Adrian Lopez, Hayatola taldeko Iñigo Arruabarrena, The Galampers taldeko Itziar Azkarate, Puro Txileko Mamen Rodrigo eta Zoe Igartiburu izan dira.

Leloa eta logoa

Ikastolako familiak egindako lan saioetatik sortutako ‘Hel Horri’ leloaz gain, hiru elorri zuhaixka islatzen duen logoa ere aukeratu dute aurtengo Bizkaiko ikastolen jaiaren ezaugarri. Leloarekin zein logoarekin “Elorrio herriak elorriari zor diola izena” kontuan hartu dituzte.

Elorrioko ikastolak 50 urte bete zituen iaz eta aurten antolatuko duen Ibilaldia bere historiako hirugarrena izango da, 1999koa zein 2006koak herrian egin baitziren.

Oraingoan ere Txintxirri ikastolaren ​hezkuntza eredua ezagutzera ematea; erronka berriei aurre egiteko ​baliabideak eskuratzea edo herriko eragile eta taldeekin ​harremanak sendotzea dira Ibilaldiaren helburu nagusiak.

Antolatzaileak, hala ere, euskararen sustapena bultzatzea; sexu eta generoari lotutako rolak gainditzea; prestatuko diren ekintza guztietan jasangarritasunaren ikuspuntua izatea; ikastolako eta herriko eragile guztien arteko prozesu parte hartzailea gauzatzea; edo behar desberdinetako pertsonentzako Ibilaldia diseinatzea, izango dira aurtengo erronketako batzuk.

La entrada Elorrion aurten ospatuko den Ibilaldiaren bideoa aurkeztuko da arratsaldean Herriko plazan se publicó primero en durangon.com.

Izagirre sortzaile berriztarrak Zuñiga iruindarraren kartelarekin batera edizio onetako ‘Osorik da!’ leloa izan ditu ardatz. Kartelarekin “azokan sortzen den ‘mikro-klima” islatzeko intentzioa izan zuela adierazi zuen Zuñigak, sortzailearen esanetan “Durangoko Azoka ekosistema berezi bat” delako.

Edizio honetako bideoa https://www.youtube.com/watch?v=qzNnuE2NNt4 helbidean dago ikusgai.

La entrada Gaizka Izagirrek egindako bideoak iragarriko du Durangoko Azoka se publicó primero en durangon.com.

Elorrioko Arriola Kultur Aretoak antolatutako 24 Ordu Digitalean ekimena gaur eta bihar burutuko da eta lehiaketara aurkezten diren parte hartzaileek 24 ordu izango dituzte pelikula burutzeko. Hamabigarren edizioa beteko duen lehiaketa arratsaldeko 17:00etan hasiko da antolatzaileek aurtengo gaia ezagutzera ematen dutenean.

24 Ordu Digitalean film laburren erakusketa-lehiaketako partaideek pelikula bat aurkeztu behar dute, “oinarri zehatz batzuetatik abiatutako istorioa asmatu, grabatu, editatu eta esportatu” ondoren, antolatzaileen esanetan.

2016ko edizioan parte hartu zuten lehiakideek ‘Bizipoza’ izan zuten lehiaketako gaia eta pelikulan “Gazteak baleki, zaharrak baleza” esaldia tartekatu eta maleta bat agertu behar zen nahitaez. Irabazlea Burgundi taldearen ‘Heroiaren bidaia’ pelikula izan zen eta finalistak ‘Corazón contento’ eta ‘Labanen dantza’ izan ziren.

Lehiaketara aurkeztutako filmak formatu digitalean egindakoak izan behar dira, .avi konpresio gabe, .mov ( H264 edo MP4) edo konpresio gabe 16:9 formatuan. 4:3 formatuan aurkezten bada, banda beltza gehitu beharko zaio. Emisio formatua 16:9 izango da.

Aurkeztutako filmen emanaldia etzi izango da, gaueko hamarretan hasita eta emanaldia amaitu ondoren sari banaketa egingo da.

Ekimenaren helburua “multimedia munduaren zaleentzat parte-hartze formula berria irekitzea da, lan-taldeak sortuz eta teknologia berriak erabiliz”, antolatzaileen arabera.

24 Ordu Digitalean lehiaketak hiru sari banatuko ditu. Irabazleak 700 euroko saria eskuratuko du eta aukeratutako beste bi finalistak 500 euroko sari bana jasoko dute.

Lehiaketan izena emateko edo informazio gehiago eskatzeko 24ordu@arriolaka.com emailera idatzi behar da.

La entrada 1.700 euro banatuko ditu saritan <br />24 Ordu Digitalean lehiaketak se publicó primero en durangon.com.