Domeka honetan egingo den mendi martxarekin abiatuko dira Apatamonasterioko jaiak. (Argazkia: Asuntze Mendi Taldea)

Atxondoko Apatamonasterioko jaiak ekainaren 28tik uztailaren 2ra bitartean ospatuko badira ere, egitaraua domeka honetan, hilak 25, hasiko da, 9:00etan plazatik irtengo den mendi martxarekin eta Axpen egingo den luntxarekin.

Jaiak 28an hasiko dira, eguerdian herriko nagusiek izango duten hamaiketakoarekin. Arratsaldeko 18:00etatik aurrera, txopo txikia apainduko dute Gaztetxean eta ordu bete geroago kalejira abiatuko da Irubidetik, trikitilariek lagunduta.

Ondoren, txopoa altxatuko dute, pregoia irakurriko da eta Atxondoko talogileak prestatutako taloak dastatzeko aukera egongo da. Eguna borobiltzeko, akustikoan jotako bertsioak eskainiko dituzte Sala eta Garazik.

Bakailao eta patata tortila txapelketak

Egueneko egitaraua, 10:00etan txistulariek eskainiko duten kalejirarekin abiatuko da. Arratsaldean, Andasto dantza taldearen saioa egongo da, ondoren, pintxo-potea egingo dute txosnan, eta Xala-Azanza eta Olazabal-Apezetxea bikoteen arteko pilota partidarekin osatuko dira eguneko ekitaldiak.

Panpotxek, makillajea, ile-apainketa eta jolasak antolatuko ditu umeentzat barikuan, 17:30etatik aurrera, eta 20:00etatik aurrera bakailao eta patata tortila txapelketak hasiko dira eta ondoren, herri-afaria egingo dute. Laiotzek girotuko duen erromeriarekin osotuko da eguna.

Zintzilik emozioen laborategiak umeentzat prestatutako tirolinak, sareak eta eskalada elementuek emango diote hasiera, 11:30ean, zapatuan ospatuko den Mozorro eguneko egitarauari. Eguerdian, koadrilen arteko paella eta rana txapelketak jokatuko dira eta bazkalostean mus txapelketa hasiko da. Distopia elektrotxarangaren ekitaldiak eta Añube eta Iskanbila taldeen kontzertuek amaituko da eguna.

Aurtengo jaiak domekan amaituko dira eta egun horretako egitaraua 11:00etatik aurrera egingo den Artisau eta nekazari azokarekin abiatuko da. Arratsaldean, Naita produkzioak eskainitako Kontukontzertua egongo da, eta ondoren egingo diren txopoa botatzea eta txokolate janak emango die amaiera ospakizunei.

La entrada Apatako jaietako mozorro eguna eta lehiaketa gastronomikoak datorren asteburuan ospatuko dira se publicó primero en durangon.com.

Los Tenampas.

Atxondo herria jai giroan murgilduko da datorren asteburuan bata bestearen jarraian ospatuko baitira Axpeko San Juan jaiak eta Apatamonasterioko San Pedroak. Lehenengo elizateko ospakizunak  ekainaren 23an hasi eta 26ra arte iraungo dute, eta Apatakoak azken egun horretan abiatu eta uztailaren 3a arte izango dira.

San Juan bezperan egingo den pintxo potearekin eta tartean egingo diren txapel jaurtiketa, pin-pon pelotak basoan sartzea eta perra jaurtiketarekin abituko dira, txopoa jaso aurretik eta San Juan suak piztu aurretik. Ondoren, berakatz zopa eta txokolatea dastatzeko aukera egongo da.

San Juan eguneko egitaraua 11:30eko meza nagusiarekin eta jubilatuen luntxarekin abiatuko da, eta arratsaldean briska txapelketa eta esku pelota partidu mistoak egongo dira. Gaueko kontzertuetan Estutu eta Fito Skins taldeek joko dute eta ondoren Dj Bullen saioa hasiko da.

Zapatuan Mexikar eguna izendatu dute, eta ‘erretratukol’a egiteaz gain makailau eta patata tortilla txapelketak eta ondorengo herri bazkariak beteko dute goizeko egitaraua. Arratsaldean, mus txapelketa eta Los Tenampas taldearen saioa eta ondoren Mexikar gaua hasiko da.

Inguruko artisauen erakusketarekin eta saiheski pintxo dastaketarekin hasiko dira domekako ekitaldiak. Ondoren, meza nagusia, Andasto dantza taldearen saioa eta mus txapelketa egongo dira eta arratsaldean egongo diren umeen jolasekin eta txokolatadarekin borobilduko da egitaraua.

Apatako jaiak

Goizeko 9:00etan abiatuko den mendi martxarekin abiatuko dira ekainaren 26an Apatako San Pedro jaiak. 28an, arratsaldez, txopo txikiaren apainketa egingo dute gaztetxean eta ondoren trikitilariekin kalejira egingo dute, txopoak altxatu, pregoia irakurri eta kontzertu akustiko egongo da plazan.

Eguaztenean ospatuko den San Pedro egunena, txistularien diana eta meza egongo dira goizean, eta arratsaldean Andasto dantza taldearen saioa eta ‘Panoli Kabaret’ ikuskizuna eskainiko du Ganso & Cia. konpainiak.

Eguenean, hamaiketakoa izango dute herriko nagusiek eta arratsaldean pintxo-potea eta pelota partiduak egongo dira. Lehenengo norgehiagokan, Maialen Garcia eta Jaione Escribanok Naroa Jaio eta Ane Díezen kontra jokatuko dute, eta bigarrenean Bengoetxeak eta Azanzak Xala eta Pascualekin neurtuko dituzte indarrak.

Barikuan Atxondo Harrera Herriak antolatutako ipuin kontaketa egongo da plazan eta jarraian egongo diren makailau eta patata tortilla txapelketan egindako jakien herri afaria egongo da. Laiotz talderen erromeriak borobilduko du eguna.

Igel txapelketa eta kuadrillen arteko paella janarekin hasiko dira zapatuan egingo den Mozorro eguna. Arratsaldean, mus txapelketa, umeen jolasak, Aldats elektrotxarangaren saioa eta Jaimones, State Alerta eta Keike taldeen joko dute.

Domekako Artisau eta Nekazari Azokak, Amillenak eskainitako pintxo dastaketak eta arratsaldean Olinda taldeak emango duen kontzertua, talo dastaketak eta txopoa botatzearekin amaituko dira aurtengo ospakizunak.

La entrada Jai giroan murgilduko dira datorren asteburutik aurrera Atxondoko Axpe eta Apatamonasterio se publicó primero en durangon.com.