Iurretako Udalak modalitate guztietako sorkuntza sustatzeko eta “garrantzi  berezia duten eta Iurretako ondare historiko eta kulturalarekin lotura duten proiektuak” diruz laguntzeko helburua duen ‘Sormen Iurreta’ deialdia egin du. Ekimen horretarako 6.000 euro bideratu ditu eta banaketa norgehiagoka bidez egingo da.  

Araudi honen bidez, laguntza ekonomikoa eman nahi zaie 2023an hainbat diziplinatan sorkuntza-proiektu espezifikoak garatu nahi dituzten partikularrei, partikular-taldeei edo elkarteei.

Dirulaguntza jaso dezaketen lanek zerikusia izan dezakete literaturarekin edo ilustrazioarekin, sorkuntza eszenikoarekin, ikus-entzunezkoekin, erakusketa edo argazki-konpilazioarekin, musikarekin edo kultura-proiektuekin.

Helburua izango da, halaber, garrantzi berezia duten eta Iurretako historia- eta kultura ondarearekin zerikusia duten diziplina horietako proiektuak lagundu ahal izatea.

Kasu  horretan, ez da beharrezkoa izango sortzaile eskatzailea edo eskatzaileak udalerrian  erroldatuta egotea, edo elkartea udalerrian inskribatuta egotea.

Balorazio-batzordeak  ondorioztatzen badu aurkeztutako proiektua erlazio berezikoa dela Iurretan, eta udalerriko  historia- eta kultura-ondarearekin lotura duela, deialdi honetan onartutako gainerako  proiektuak onartu eta lehian hasiko dira.

Deialdian, eskatzaile edo kolektibo bakoitzeko proiektu bakarra onartuko da.

Eskabidea,  behar bezala beteta (I. eranskina), egoitza elektronikoan aurkeztu daiteke ekainaren 26ra arte. Halaber, Iurretako Herritarrentzako Arreta Zerbitzuan aurkeztu ahal izango da (Bidebarrieta kalea 5).

La entrada Iurretako Udalak dirulaguntzak emango ditu modalitate guztietako kultur sorkuntza sustatzeko se publicó primero en durangon.com.