Presoei eta iheslariei elkartasuna adierazteko, Kalerarock jaialdia antolatu da

Euskal preso eta iheslariekin elkartasuna mantentzea izango da datorren otsailaren 25ean Durangon burutuko den Kalerarock jaialdiren helburua. Horretarako hainbat ekitaldi antolatu dute eta jaialdiari amaiera emateko, zortzi taldek kontzertu bat eskainiko dute, Betagarri, Bizardunak eta Des-Kontrol besteak beste. “Gure helburuekiko aldekotasun jarrerak dituzten herritarrekin eta eremu guztiekin batera lan egin nahi dugu, hauei entzunez, elkarlana bultzatuz, mugimendu parte hartzaile eta zabal bat eratuz”, adierazi dute antolatzaileek.

Eguerdiko 12etatik aurrera kale animazioa, umeentzako tailerrak eta batukadak izango dira besteak beste, Durangoko kaleak elkartasun adierazpenez betetzeko asmoarekin..

13,00etan Bizkaian Herrira Mugimendua aurkezteko ekitaldia burutuko dute Landako Gunean eta antoaltzaileek gonbidapen berezia egiten diete herritar guztiei bertan parte hartzeko.17,30etatik aurrera, berriz, Kalerarock jaialdiari hasiera emango zaio erakustazokan. Bertan, Betagarri, Des-Kontrol, Vomito, Habeas Corpus, Ze esatek!, Bizardunak, Obrint Pas eta Trikiziotaldeak zaingo dira. 

“Zoritzarrez, azken urteetan Euskal Herrian zabaltzen ari den aro politiko berria ez du isladarik izaten ari espetxe politikan. Azken hilabeteetan egoera hobera egin baino eman diren urratsak mendeku politikan sakontzeko baino ez dira izan. Isolamendua bere horretan mantentzen da, hurrunketak ematen ari dira, preso gaixoen askatasun eskaerei ezetzak, bizi osorako espetxe zigorraren aplikazioa bere horretan mantentzen da”, azpimarratu zuten antolatzaileek egitasmoaren aurkezpenean.

DURANGON. Durangoko albisteak