Zoriontasuna

Zoriontasuna ez da erosten, ez dago salgai. Zoriontsu ez dena nonahi izango da malerus. Halere, zoriontasunera heltzeko bidea, beste arlo asko lez, landu egin behar dugulakoan nago. Hona hemen telebistako aurpegi ezaguna den Eduardo Punset psikologoak zoriontasunera heltzeko proposatzen digun dekalogoa:

1. Ez saiatu beti, eten barik, zoriontsu izaten. Zoriontasuna emozio positiboa da eta unibertsala, emozio guztiak bezala efimeroa da, iragankorra. Hori bai, barruan har hori sentitzen dugunean, esan dezagun ozenki ???ederto nago???, ???zoriontsua naiz???.
2. Saia gaitezen gure helburuen eta helmugen prestakuntzan disfrutatzen. Helburua ez eze, prozesua ere garrantzitsua baita.
3. Zoriontasuna, batez be, beldurrik eza da. Baztertu dezagun beldurra edo segurtasunik eza sortzen digun guztia.
4. Zaindu ditzagun detaileak eta gauza txikiak, beti proiektu handietan obsesionatu barik.
5. Azken ikerketen arabera, adinean aurrera joan ahala zoriontasunak gora egiten du.
6. Ahalegindu gaitezen  gehien gustatzen zaiguna egiten: irakurtzen, kirola egiten, edota lanean gogoko badugu.
7. Ez dezagun inor mespretxatu. Maitasunaren antitesia ez da gorrotoa, besteenganako mespretxua baizik.
8. Zaindu ditzagun gure harreman pertsonalak.
9. Aprobetxa dezagun imajinatzeko edo amets egiteko dugun berezko gaitasuna.
10. Aprobetxa ditzagun oporrak eta aisialdia gutxiago gastatzeko eta geure burua hornitzeko.

Marisa Barrena psikopedagogoa da