“SuperPop” aldizkaria

Gazteentzako ‘SuperPop’ aldizkariak paperean inprimatzeari utziko dio eta azken zenbakia hilaren 22ra arte izango da salgai. Hemendik aurrera interneteko edizioa baino ez dute egingo, doakoa eta asterokoa izango dena. Nire gaztaroan arrakasta handiko aldizkaria desagertuko dela jakin dudanean, pena handia hartu dut. Mundu mailan, ospe handia lortu zuten abeslari gazteekin elkarrizketak, irudiak, kontzertuak eta bitxikeriak eskeintzen zituzten eta gurasoek astebururako emandako diruarekin erosten genuen  Super Pop aldizkariaren azkenengo zenbakia. Egia esan, 80.hamarkadan arrakasta handikoa zen.

Gaur egun paperean inprimatzearen etorkizuna iluna da. Ez dakit zer gertatuko ote den baina… etorkizuna internetarena da. Teknologia berriaren garaian bizi gara eta abiadura handia hartzen ari da. Baina hau gertatzen den bitartean, telezaborra gorantz doa. Birus informatiko batek bezala ukitzen duen guztia kutsatzen du eta telebista egiteko beste modelo batzuk ere programazioetatik murriztu egiten dituzte. Hau da panorama!

Mota honetako programak giza intereseko edozein gai, gertaera sozial edo politiko aitzakiatzat hartzen dute ikusleak modu zakarrenean erakartzeko: sexua, indarkeria, umore zakarra erabiltzen dituzte saio berean. Gaur egungo telebistan, eskandaluaren eta sentsazionalismoaren gehiegikeria indarrean dago. Zelan uler daiteke?

Jakin badakigu, komunikabideen atzean interesak, botereak eta modelo sozial eta ideologikoak daudela. Horretarako, nobere buruari galdetzea zergatik lehentasuna ematen dioten gai bati eta beste batzuk ezkutatzen dituzten nahikoa da. Modu erreza da telebistako mezuak kritikoki ulertzen hasteko eta uste dut, garaia dela.

Eredu honekin  kritikoa izaten jarraituz, adin txikikoei babesteko ordutegia errespetatu behar bada, hobe da arratsaldetan haurrentzako programazioa berreskuratzea. Lehen eskeintzen zen eta gaur egun telezaborra besterik ez dugu.

‘SuperPop’ aldizkariak paperean inprimatzeari uzten  dionean, merkatutik desagertuko da. Zergatik ez dira desagertzen behingoz, telezaborra kontsumitzen diren produktoak? Gure esku dago.

Idoia Azkorbebeitia kazetaria da