Gona Eguna

Hiztegiak dioenaren arabera ???gona edo zaia gerritik behera, bi hankak batera baina ez osorik estaltzen dituen jantzi unisexa da???, horrela bat batean, deigarria egiten zaigu ???unisexa??? berba testuinguru horretan, ezta?

Egia esan, kultura europarrean emakumezkoen jantzitzat hartzen bada ere, Eskozian, kilt izeneko gona gizonek janzten dute. Halaber, Jean-Paul Gaultier moda-diseinatzaile frantziar famatuak gizonezkoentzako gonak erakutsi izan ditu bere erakustaldietan, behin baino gehiagotan gainera.

Gurean ere dantzatzeko erabiltzen diren traje tradizionaletan hainbat lekutan janzten dituzte gonak gizonek, Oñati, Iekora edo Iruinean, besteak beste.

Normalean, betikoa dela pentsatzen dugunak ez gaitu harritzen ez larritzen, lasai asko ikusten ditugu eskoziarrak zein gure dantzariak gonaz jantzita, ostera zerbait ezberdina proposatzen edo egiten denean, hautsak arrotzen dira, ikusi besterik ez dugu Frantzian joan den asteko GONA EGUNAk sortu duena.

Nantesko 27 lizeotako ikasleei, mutil zein neskei, gonaz jantzita joateko gomendio egin diete orain dela egun batzuk. Ekimen honen helburua sexismoa eta generoen arteko ezberdintasunaren kontrako borroka egitea izan da. Ezohiko proposamen honek ordea Frantziako eskuina urduri eta haserre jarri du, oso.

Gurean ausartuko ote ginateke horrelako proposamen bat egiten? Eta horrelako ekimenen bat burutuko balute gure ikasleek, nola erantzungo ote genuke?

Marisa Barrena psikopedagogoa da