Olgetanek egonaldiak antolatu ditu Aste Santurako

Berbaro elkarteko Olgetan ekimenak plan hobeezina prestatu die 3 eta 10 urte bitarteko umeei datorren Aste Santurako, Durangon bertan izango diren egonaldiekin.

Ekimen horretarako prestatu diren ekintza desberdin eta dibertigarrien artean, besteak beste, sukaldaritza eta eskulan tailerrak, esperimentuak eta jolasak tartekatuko dira.

Egonaldietan parte hartzen duten umeek jende berria ezagutu eta euskaraz gozatu eta jolasteko aukera aparta izango dute. Egonaldia Pinondo Etxean izango da goizeko 9.00etatik arratsaldeko 13.30etara.

Olgetanek eskainitako plana Aste Santu osorako da, hau da martxoaren 30 eta 31n eta apirilaren 1, 7, 8, 9 eta 10ean. Hala ere, egun solteetan izena emateko aukera ere badago.

Bazkide bakoitzak 12 euro ordaiduko ditu egun bakoitzeko eta bazkideak ez direnak 15 euro. Egondaldi osoko zazpi egunetarako apuntatzen diren bazkideek 70 euro ordainduko dituzte eta bazkideak ez direnak 90 euro. 

Izen-ematea Berbarok Pinondo Etxean duen bulegoan egin behar da martxoaren 18a baino lehen.