Musika eskaintza zabala Plateruena Kafe Antzokian

Musika eta literatura protagonistak izango dira Durangon datorren 4tik 8ra bitartean. Plateruena Kafe Antzokiak bat egingo du Euskal Liburu eta Disko Azokaren 45. edizioarekin eta zuzeneko hainbat aukera eskainiko ditu. KenZazpi , Atom Rhumbak, Bide Ertzean taldeek eta Txuma Murugarrenek beraien disko berriak aurkeztuko dituzte.

Kafe Antzokiak eskainiko duen egitarau zabala abenduaren 3an hasiko da. Bertan Esne Beltza taldeak hasiera emango dio musika eskaintzari 22.30ean. Jotze orduetatik , bidaietatik, Fermin Muguruzaren azken biran mundu erdiko hoteletako logelatan sortzen ziren solasaldietatik sortzen da Esne Beltza proiektu musikal berria.

Hurrengo egunean, abenduaren 4an, KenZazpi taldeak disko berria aurkeztuko du 22.30ean. ???Ortzemugak begietan??? laugarren lan berria Argiak zigilu propioaren eta Elkarren artean ekoiztu dute. Lana oso aktuala da, jorratzen diren gaien aldetik, taldeari sortarazten dizkioten sentimendu eta emozioei kantatzen diote.

Gatibu taldearen txanda abenduaren 5ean izango da, gaueko 22.30ean eta Atom Rhumbak ???Gargantuan Melee??? lan berria plazaratuko du Plateruenean abenduaren 6an.

Halaber, Bide Ertzean eta Txuma Murugarrenek Durangon izango dute hurrengo geltokia abenduaren 7an eta bertan lan berria aurkeztuko parada izango dute. Bide Ertzean taldeak ???Don Inorrez??? lan berria aurkeztuko duen bitartean, Txuma Murugarrenek, berriz, ???B Aldeko kantuak??? eskainiko ditu Durangon.

Platerueneko egitaraua itxiko dutenak Korrontzi eta Oinkari Dantza taldeak izango dira, ???Infernuko Hauspoa??? ikuskizuna eskainiz.

Bestalde, Iparraldetik etorritako hainbat kantaldi ere eskainiko dituzte Kafe Antzokian. Alde batetik, Patxi ta Konpainia izango dira abenduaren 5ean, eta hurrengo egunean, berriz, Kalakan taldeak txalaparta emanaldia eskainiko du. Abenduaren 7rako Beñat Achiary eta Michel Queille-ren kantaldiarekin batera, Mixel Etxekopar eta Francois Rossé izango dira Iparraldetik zuzenean.

DURANGON. Durangoko albisteak

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.