Mallabiko Udalak auzo-bilerak ospatuko ditu urriaren 27tik 30era

Mallabiko Udalak bere urteko auzo-bilerak ospatuko ditu 2025eko urriaren 27tik 30era bitarte, herritarren parte-hartzea sustatzeko eta Udalaren eta herritarren arteko komunikazio zuzena indartzeko helburuarekin.

Bilera hauetan 2025eko urteko balantzea aurkeztuko da, egindako ekintzak eta lortutako emaitza nagusiak zehaztuz. Horrez gain, 2026rako udal aurrekontua ezagutaraziko da, inbertsio-prioritateak eta hurrengo urtean aurreikusitako proiektuak nabarmenduz. Bilera hauetan parte-hartzeko une bat ere izango da, bertaratu direnek beren galderak, proposamenak eta iradokizunak aurkez ditzaten. Horrela, Udalak komunitatearen behar eta kezkak zuzenean ezagutu eta etorkizuneko proiektuen planifikazioan kontuan hartzeko aukera izango du.

Auzo-bilerak urriaren 27tik 30era bitarte ospatuko dira, arratsaldeko 19:00etan. Urriaren 27an, bilerak Gerea eta Berano auzoetan izango dira; urriaren 28an, berriz, Arandoño eta Berano auzoetan; urriaren 29an, Areitio, Zengotita, Aitxu eta Osma auzoetan; eta azkenik, urriaren 30ean, hirigunean. Bilerek aukera ematen dute mallabitarrei euren udalerriaren etorkizunean modu aktiboan parte hartzeko eta martxan dauden proiektuak bertatik bertara ezagutzeko.

“Bilera hauek udal bizitzaren funtsezko atal bat dira. Herritarrekin harreman zuzena izateko eta euren proposamenak entzuteko aukera ematen digute, udalerriaren hobekuntzan aurrera egiteko bidea zabaltzen dutelarik. Udaletik guztizko konpromisoa dugu udal kudeaketa gertukoa, gardena eta herritarren parte-hartzea sustatzen duena izateko”, amaitu du Mallabiko alkateak, Igor Agirrek.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.