Lehen hezkuntzako ikasleek idatzitako ipuinak sarituko ditu ‘Abenduko Ipuinak’ ekimenak

AbadiñoErrotaKulturEtxea — Traña-Matienako Errota Kultur Etxean edo Zelaietako Mediatekan entregatu behar dira idazlanak.

Abadiñoko Barrizten Kultur Elkarteak ‘Abenduko ipuinak’ lehiaketaren bigarren edizioa antolatu du. Lehiaketa Lehen Hezkuntzako ikasleei zuzenduta dago eta parte hartzaileek bi kategoriatan banatuko dira; bata 3. eta 4. mailakoena eta bestea 5. eta 6.ekoena.

“Literatur sorkuntza bultzatzeko asmoa” duen ipuin lehiaketara aurkeztutako lanak euskaraz idatzitako testu originalak izan behar dira eta argitaragabeak. Antolatzaileek ez dituzte onartuko beste hizkuntza batean idatzi eta euskaratutako lanak.

Lanak makinaz zein eskuz idatzitakoak izan daitezke eta lehenengo kasuan gutxienez orrialde bat eta biren tarteko luzera izan beharko dute.

Lanak aurkezteko epea urtarrilaren 8tik 12ra arte izango da eta idazlanak Traña-Matienako Errota Kultur Etxean edo Zelaietako Mediatekan jarritako postontzietara eraman behar dira. Lehiaketaren epaimahaia Abadiñoko Udaleko Kultur teknikariak, Euskara teknikariak eta Itsaso Larruri idazle abadiñarrak osatuko dute eta beraiek erabakiko dituzte sarituak nortzuk diren.

Kategoria bakoitzean hiru sari emango dira eta hirurak Abadiñoko edozein liburudendatan liburuak erosteko bonoak izango dira. Lehen saria 60 eurokoa izango da, bigarrena 40 eurokoa eta hirugarrena 20 eurokoa.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.