Kultur eta Kirol Kontseiluetan parte hartzeko epea zabaldu du Abadiñoko Udalak

Laster sortuko diren Kultur eta Kirol Udal Kontseiluetan parte hartzeko epea zabaldu du Abadiñoko Udalak. Bi organo horietan sartzen diren talde guztiek aukera izango dute beren iritziak entzunarazteko eta Udalari aholku emateko kultur eta kirol arloko gaietan. Epea gaur arte zabalik izango da.

Kontseiluetako erabakiak ez dira izango lotesleak, baina udal arduradunek aintzat hartuko dituzte beren udalgintzako lanean. Ima Zapardiez Kirol eta Kultura arloko zinegotziak esan duenez, herriko talde eta elkarteak egunero ari dira lanean herrian eta inork baino hobeto dakite zein diren euren arloetako beharrizanak. Horregatik, “esateko duten guztia oso garrantzitsua da” Udalak bere politikak gauzatu ditzan.

Kontseiluak ustez udazkenean hasiko dira lanean eta bertan izena eman nahi duten elkarte guztiek Errota Kultur Etxean eta Udal Mediatekan egin dezakete.

Horrez gain, Abadiñoko Udalak Nagusien Aholku Kontseilua ere sortuko du, gizatalde horren inguruko politiketan ineresatuen iritziak eta gomendioak jasotzeko. Aspaldi sortu zen Euskera Kontseiluarekin batera, beraz, Abadiñok lau Udal Aholku Kontseilu izango ditu.

DURANGON. Abadiñoko albisteak

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.