Kriskitinek ‘Akelarrea’ ikuskizuna eskainiko du gaur Bakion

60 partaide arituko dira Eneperia auzoan eskainiko duten ‘Akelarrea’ ikuskizunean.

Kriskitin dantza taldeko dantzari eta musikariek, Jaizale taldeko txistulariek eta Doinu Zahar taldeko abeslariek, ‘Akelarrea’ ikuskizuna eskainiko dute gaur, gaueko 23:00etan hasita, Bakioko Eneperi auzoan.

San Juan bezpera izateaz gain udako solstizioari ongi etorria ematen dion egun honek “urteko egunik luzeenaren eta gaurik laburrenaren magian” murgiltzeko aukera eskainiko dio talde durangarrari.

‘Akelarrea’ ikuskizunak 30 dantzari eta beste hainbeste musikari eta abeslari biltzen ditu. Ageraldiko partaide guztiek, gainera, koreografiak sortu dituen Inma Garrastatxu zuzendariaren gidalerroei jarraituko diote.

Kriskitinek proposatutako bidaian “aspaldiko akelarreetako gizandre haiek gogoan izango ditugu eta, bide batez, haien askatasun egarria eta dantzaz gozatzeko grina kutsatzen ahaleginduko gara Eneperi auzora gure ikuskizunera hurbiltzen diren guztiei”, taldekideen esanetan.

‘Akelarrea’ ikuskizunaren ezaugarri nagusiak dantza, musika eta alaitasuna dira, “gizon eta emakumeen arteko hurbiltasunerako biderik ohikoena eta baztertu ezin den ekintza baita”.

Hala ere, “garai bateko gizandreak ostera, gaitzetsi, zigortu eta erre egin zituzten, derrigorrean horrelako aitorpenak egitera behartu ondoren: “… eta emakume hark, xaloki, egia zela aitortu zuen, izan zela behin akelarrean, baina dantza egitearren joan zela, denontzako gozagarria den dantza egitearen grinari uko egin ezinik”.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.