Juan Mari Atutxak irabazi du Durangoko Julen Azpeitia literatur lehiaketa

Durangoko Julene Azpeitia Literatur Lehiaketak ezarritako sari nagusia Elorrion bizi den Dimako Juan Mari Atutxa irabazi zuen. Bertso paperen atalean Karmele Mitxelenak lortu zuen nagusien lehen saria eta olerkien atalean ez zen irabazlerik egon.

Atutxak 18 urtetik gorakoentzako jarritako 600 euroko saria eskuratu zuen ‘Pentsatu, egin eta esan’ lanagatik. Atale honetan, baina 17 eta 18 urteko mailarentzat jarritako 250 euroko saria berriz, Elena Olavek lortu zuen ‘Ana inventarium’ lanagatik eta 3. eta 4. DBH-ko ikasleen atalean Arrate Erdoizak irabazi zituen lehen sariaren 150 euroak ‘Bizitzaren egun bakar batean’ lanagatik.

DBH-ko 1. eta 2. mailako irabazlea Izaro Erzilla izan zen ‘Aittitten gutuna’ ipuinarekin eta LH-ko 5. eta 6. mailan Laida Aizpuruak lortu zuen lehen saria ‘Hamaika urte eta barrerik ez’ lanarekin. Bakoitzak 100 eurotako liburu sorta eskuratu zuen. 

Bertso paperen atalean, Karmele Mitxelenak irabazi zuen 18 urtetik gorakoentzako atalean jarritako 300 euroko saria ‘Itota’ lanagatik eta 17 eta 18 urtekoen kategorian irabazlearentzat jarritako 200 euroak Txaber Altubek eraman zituen ‘Kale-kantoitik’ obrarekin.
Atal honetako DBHko 3. eta 4. mailan eta DBHko 1. eta 2. mailan ez zen irabazlerik egon eta LH-ko 5. eta 6. mailakoen artean Ander Sarriugartek eskuratu zuen 100 eurotako liburu sorta ‘Mugikor bat naiz’ idazlanarekin.

Olerkien atalean Alazne Lopezek jaso zituen 17 eta 18 urtekoentzat jarritako 200 euroko saria ‘Arratsaldeko bigarren gutuna’ obragatik eta Leire Sarriugartek bereganatu zituen DBHko 3. eta 4. mailakoentzat jarritako 150 euroak ‘Laguna’ olerkiagatik. 

DBHko 1. eta 2.an eta LH-ko 5. eta 6. mailatan, Beñat Santiestebanen ‘Natura’ eta Iraia Gamizen ‘Txitoa’ lanak izan ziren irabazleak hurrenez hurren, eta bakoitzak 100 eurotako liburu sorta jaso zuen.